სკოლა-პანსიონის კომაროვი პეაგოგი ლია გოგოხია სოციალურ ქსელში ქართველო მოსწავლეების წარმატებების შესახებ წერს, რომლებმაც ოქროს მედალთან ერთად სხვადასხვა მნიშვნელოვანი გამარჯვება მოიპოვეს:
“ცხელ-ცხელი ამბავი – ეს-ესაა ბავშვებმა მახარეს! სანამ ეპიდემია მძვინვარებს და პოლიტიკოსები ,,სკამებისთვის იბრძვიან’’, მოსწავლეები უფრო სერიოზული საქმეებით არიან დაკავებულნი. ახლახან, აი, ამ წუთას, დამთავრდა საერთაშორისო ნატურალისტთა ტურნირი(IYNT) 2020. ტურნირის მიზანია წარმოაჩინოს მოსწავლეების უნარი, რათა წარმატებით გადაჭრან ზუსტ და საბუნებისმეტყველო მეცნიერებებში (ფიზიკა, ქიმია, ბიოლოგია) დასმული პრობლემები, წარმოადგინონ ჩატარებული კვლევების შედეგები და შეძლონ მათი დაცვა მოწინააღმდეგე გუნდებთან გამართულ სამეცნიერო დისკუსიებში. საქართველოს ნაკრების ღირსებას იცავდნენ: ნენე ჟვანია, ანრი დარცმელია, ლევან ლოლაშვილი(ვეკუას ფიზიკა-მათემატიკის სკოლიდან) ), ირაკლი მიროტაძე, ნიკა მალცევი და სანდრო ვაჩაძე (კომაროველები). მათ ფინალში სძლიეს შვეიცარიისა და ხორვატიას გუნდებს და ოქროს მედლის მფლობელები გახდნენ. ვულოცავ ჩვენს ოქროს გოგო-ბიჭებს უდიდეს წარმატებას. გმადლობთ ჩემო კარგებო, თქვენ მაინც ხვდებით, რომ ქვეყანას მხოლოდ ცოდნა გადაარჩენს.ექსკლუზიური ფოტო გოგოხია მასწისთვის!” – წერს სკოლა-პანსიონის კომაროვი პეაგოგი ლია გოგოხია ფეისბუკზე.
“პოსტი გამიზნულია იმ ადამიანთა გასამხნევებლად, რომლებიც მხოლოდ ,,კოვიდის სტატისტიკას’’ ჩასცქერიან.სანამ ქვეყანა ,,ცისფერი მთების’’ ანუ დაუჯერებელი ამბის რეჟიმშია, ადამიანებს სასიამოვნო, პოზიტიური, იმედისმომცემი ამბები მოენატრათ. არც მთლად ისეთი წყალწაღებულები ვართ, როგორც გვგონია. ,,ონლაინგაჭედილობის’’ თვენახევრიანი სწავლების ფონზე პატარა ქვეყნის დიდებული შვილების ნადავლს წარმოგიდგენთ. მე ჩემი სკოლისას ვიტყვი, თქვენ თქვენისა თქვით. თქვენი სიხარულის გაზიარებაც შემიძლია.1.ონლაინ რეჟიმში ჩატარებული ოლიმპიადა, აზიის პირველობა ინფორმატიკაში – (მასპინძელი ქვეყანა – ინდონეზია) ოქრო ბიჭი (ნიკა ბირკაძე -300-იდან 300-ივე ქულა აიღო), ვერცხლოსნები (თეიმურაზ თოლორაია, ლუკა მუშკუდიანი) და ბრინჯაოს ბიჭები – (გიორგი ნადარეიშვილი, არჩილ ბასაძიშვილი) – ტურნირში 34 ქვეყანა მონაწილეობდა. მათ შორის ჩინეთი, იაპონია, კორეა, რუსეთი, ირანი, ინდოეთი და ა.შ.2. 4-5 სექტემბერს საქართველომ უმასპინძლა ევროპის ახალგაზრდულ ოლიმპიადას ინფორმატიკაში (EJOI), რომელშიც 27 ქვეყნის 136 მოსწავლე მონაწილეობდა (ოფიციალური საიტი https://ejoi2020.ge). კოვიდის გამო შეჯიბრი ასევე ,,ონლაინ’’ ჩატარდა. ქართველმა მოსწავლეებმა ოქროს (ლუკა მოსიაშვილი), ვერცხლის (იაკობ რიგვავა) და ბრინჯაოს (ქეთა ციმაკურიძე) მედლები მოიპოვეს.3. 4-7 სექტემბერს ახალგაზრდა ფიზიკოსთა33-ე საერთაშორისო ტურნირიIYPT 2020 გაიმართა. საქართველოს ნაკრებმა ბრინჯაოს მედალი მოიპოვა! საქართველოს ნაკრების შემადგენლობაში იყვნენ კომაროველები: რობიკო ცინცაძე ,ზურაბ უგულავა, ნიკა ნიკურაძე, ნიკა მალცევი4. საქართველოს მოსწავლეთა ეროვნულმა ნაკრებმა მათემატიკის 61-ე საერთაშორისო ოლიმპიადაზე ოქროს 1, ვერცხლის 2, ბრინჯაოს 2 მედალი და 1 საპატიო სიგელი მოიპოვა!ნიკა ბირკაძე – ოქროს მედალი, თეიმურაზ თოლორაია – ვერცხლის მედალი, ლუკა მუშკუდიანი- ვერცხლის მედალი, ანა ონოფრიშვილი- ბრინჯაოს მედალი, ზაურ ბოკელავაძე- ბრინჯაოს მედალი, მიხეილ კვინიკაძე – საპატიო სიგელი.5. საქართველოს მოსწავლეთა ნაკრებმა ინფორმატიკის 32-ე საერთაშორისო ოლიმპიადაზე ოქროს 2, ვერცხლის 1 და ბრინჯაოს 1 მედალი მოიპოვა!ინფორმატიკის32-ე საერთაშორისო ოლიმპიადაში87 ქვეყნის 343 მოსწავლე მონაწილეობდა. ეპიდემიოლოგიური სიტუაციიდან გამომდინარე, წელს ოლიმპიადა დისტანციურად ჩატარდა და მას ორგანიზება სინგაპურმა გაუწია. საერთაშორისო ოლიმპიადაზე თითო ქვეყნიდან 4 მოსწავლე მონაწილეობს და სასიხარულოა, რომ მედალი ოთხივე ქართველმა მოსწავლემ დაისაკუთრა.საქართველოს ნაკრების ოთხივე წევრი კომაროვის სკოლის მოსწავლეა.საქართველოს ეროვნული ნაკრების ღირსებას იცავდნენ:ნიკა ბირკაძე – ოქროს მედალი,თეიმურაზ თოლორაია – ოქროს მედალი,არჩილ ბასაძიშვილი- ვერცხლის მედალი,ლუკა მუშკუდიანი- ბრინჯაოს მედალი.6. საერთაშორისო ნატურალისტთა ტურნირი(IYNT) 2020. ოქროს ბიჭები – ირაკლი მიროტაძე, ნიკა მალცევი და სანდრო ვაჩაძედაბოლოს, თქვენ წარმოიდგინეთ, წიგნების კითხვაც უყვართ, კომაროვის სკოლის გუნდი პირველი არხის პროექტის ,, წიგნების თაროს” მე-8 სეზონის გამარჯვებულია!გამარჯვებული გუნდის წევრები არიან: დავით მოდებაძე, გიორგი უგულავა და ოთარ ირემაძეშეგახსენებთ, რომ კომაროვის სკოლა “წიგნების თაროს” სამგზის გამარჯვებული და ერთგზის ფინალისტია.მე- 11 კლასის მოსწავლე ლაშა შამუგიამ კი მეტად საინტერესო ბლოგი შექმნა ავიაციაზე :https://www.facebook.com/aboutworldaviation, რომელშიც შემოგვთავაზებს საავიაციო სიახლეებსა და საინტერესო თემებს ავიაციის შესახებ. ჩემს პოსტზე წამძღვარებული ფოტოც მან გადაიღო…
ლიზი არდაშელიამ ალბომი ჩაწერა – https://www.youtube.com/watch?v=RM-qrZ0SX0E…მასწავლებლებმა რა დააშავეს? სკოლაში 6 მენტორის , 27 წამყვანისა და 42 უფროსი მასწავლებლის სტატუსის მქონე პედაგოგია.დაგღალეთ, ბოდიში… გარეთ ცეცხლისფერი ნოემბერია , სწავლის დასრულებამდე რვა თვე დარჩა… ჯერ სადაა, მედლები კიდევ ,,დაიყრება”შეხედეთ, რა ცაა…” – დაწერა ლია გოგოხიამ.