მიხეილ სააკაშვილის ადვოკატები პირველი ინსტანციისს გადაწყვეტილებას სააპელაციო სასამართლოში ზუსტად 24 საათში გაასაჩივრებენ. სასჯელის გადავადების საკიითხზე ამჯერად ერთის ნაცვლად სამი მოსამართლე იმსჯელებს. როგორ დაკომპლექტდება მოსამართლეთა კოლეგია ჯერჯერობით უცნობია.
ექსპრეზიდენტის იურისტები საქმის მასალებს დაურთავან “ნოდარ მელაძის შაბათის” ეთერში გასულ კადრებს, სადაც მიხეილ სააკაშვილის უმძიმესი მდგომარეობა ჩანს. ამას დაემატება “ვივა მედის” სამედიცინო ისტორიაც. დოკუმენტში პენიტენციურს დაქვემდებარებული კლინიკა ადასტურებს, რომ საქართველოს მესამე პრეზიდენტს კახექსია აქვს, ეს კი სასჯელის გადავადების საფუძველია.
ახალი მასალები მოგვივიდა ავადმყოფობის ისტორიასთან დაკავშირებით, ასევე ვიდეომასალებიც გამზადდა და ამიტომ გადაიწია და ხვალ დილით შევა სააპელაციო საჩივარი. პირველ ინსტანციაში პენიტენციური სამსახური ამტკიცებდა დაბეჯითებით, რომ არანაირი გონების კარგვის ეპიზოდები სააკაშვილს არ ჰქონია, არის კარგად და ა.შ. თუმცა იმ გავრცელებულმა კადრებმა გვაჩვენა, რომ გონების კარგვის იმაზე მეტი ეპიზოდები იყო, ვიდრე ჩვენ განვაცხადეთ ეს სასამართლოში. ბუნებრივია, ეს მნიშვნელოვანი მტკიცებულებაა და ამის დართვას ჩენ ვთხოვთ სასამართლოს. ორ სამ დღეშიც კი აბსოლუტური განსხვავებაა მისი ჯანმრთელობის მდგომარეობის. მისი სიკვდილი არის გარდაუვალი. ეს არ არის დიდი ხნის ამბავი, თუ ეს მდგომარეობა ასე გაგრძელდა. არის უმძიმეს, უკიდურეს სიტუაციაში, – ამბობს ადვოკატი.
