რას გვირჩევენ ვარსკვლავები 1-ელი იანვრისთვის ჯანმრთელობის, ბიზნესის და სიყვარულის მიმართულებით?
ვერძი
იძულებული ხართ, რომ ფინანსური საქმეების მოწესრიგებაზე იზრუნოთ. დამშვიდდით, ფულთან დაკავშირებული პრობლემები არ გელით – უბრალოდ სიტუაცია მოითხოვს, რომ ამ საკითხს ყურადღება მიაქციოთ. შესანიშნავი დღეა პირად ბიუჯეტში გარკვევის, მოგების გამოთვლისა და სამომავლო ბიზნესგეგმის შესადგენად.
კურო
საკუთარმა შრომისმოყვარეობამ შეიძლება თავადაც გაგაოცოთ, რომ აღარაფერი ვთქვათ კოლეგებსა და ახლობელ ადამიანებზე. ეცადეთ, პრობლემის სათავე შეისწავლოთ და შესაძლოა, მისი უნივერსალური გასაღები აღმოაჩინოთ. ამ დღეს ყველაზე კარგად ისეთი სამუშაო გამოგდით, რომელიც ყურადღებას და მოთმინებას მოითხოვს.
ტყუპები
ვარსკვლავები გირჩევენ, რომ გარშემო მყოფების გადაჭარბებულ ყურადღებას მოერიდოთ. 1-ელი იანვარი იდეალური დღეა მომავალი წარმატების მოსამზადებლად. გააგრძელეთ საკუთარ პროექტზე მუშაობა, მოამზადეთ საჭირო საბუთები და არგუმენტები – როცა ყურადღების ცენტრში მოხვდებით, შთაბეჭდილების მოხდენას შეძლებთ
კირჩხიბი
ამ დღეს ისეთ იშვიათ და საინტერესო ფენომენს შეეჯახებით, როგორიც დეჟავუა. არ გაგიკვირდეთ, თუ მოულოდნელად შეხვდებით საკუთარ წარსულს ან მას, ვინც თქვენს წარსულს ძალიან ჰგავს. გახსოვდეთ, რომ რეალობა ჩვენს შინაგან სამყაროზე მოქმედებს და პირიქით, რაშიც 1-ელ იანვარს დარწმუნდებით.
ლომი
ეცადეთ, მუშაობისთვის განეწყოთ, თუმცა ამის გაკეთება ადვილი არ იქნება! ეს დღე თქვენგან ყურადღების კონცენტრაციას და საქმეების დიდ ნაკადთან გამკლავებას მოითხოვს. ყველაფერი რომ მოასწროთ, აურზაურს დროებით მაინც უნდა დაემალოთ. იპოვეთ წყნარი ოთახი, რომელიც გასაღებით იკეტება და განმარტოვდით – ეს საკმარისია, რომ შემდეგ მთების გადაადგილება შეძლოთ.
ქალწული
ამ დღეს ყველაზე მეტად გულწრფელი ურთიერთობისკენ ისწრაფვით. ზედაპირული საუბრები იმდენად გაღიზიანებთ, რომ მზად ხართ, კონფლიქტი გააჩაღოთ. თუ ადამიანის უკეთ გაცნობა გსურთ, ეს სამომავლოდ არ გადადოთ. საყვარელი ადამიანია თუ კოლეგა ან პარტნიორი, სულ ერთია. მთავარია, მას გულწრფელად ესაუბროთ და გაარკვიოთ, რას ფიქრობს და რას გეგმავს. ეს შეიძლება პირველი ნაბიჯი გახდეს თქვენი განსაკუთრებული ურთიერთობისკენ.
სასწორები
შეიძლება მოგეჩვენოთ, რომ კონფლიქტების თავიდან აცილებას მთელი ძალით ცდილობთ, მაგრამ კონფლიქტი თავად გპოულობთ. სადაც თქვენ ხართ, იქ დაპირისპირება „ცარიელ ადგილზე“ ჩნდება. რეალურად კი, გაუგებრობების მიზეზი თავად ხართ. თუ არ გსურთ მთელი დღე კამათში გაატაროთ, გარშემო მყოფთა წვრილმან პროვოკაციებს არ უპასუხოთ
მორიელი
ვარსკვლავები გირჩევენ, რომ ახალი, გრანდიოზული ამოცანები არ დაისახოთ. ეს ის დღეა, როცა არაფრის დამტკიცება არ გჭირდებათ არც საკუთარი თავისთვის და არც სხვებისთვის. კარგი იქნება, ცოტა ხნით დაისვენოთ და განიტვირთოთ. მცირე ტაიმაუტი საშუალებას მოგცემთ მომავალი მნიშვნელოვანი პროექტისთვის ძალები მოიკრიბოთ.
მშვილდოსანი
ბოლო დღეებში გარშემო მყოფებთან კონტაქტი მინიმუმამდე იქნება დაყვანილი და ამაში თავად ხართ დამნაშავე – დაუდგენელი მიზეზების გამო ბოლო დროს ურთიერთობა გიჭირთ. ფრთხილად იყავით – მუდმივ გაღიზიანებას და პრეტენზიებს შეიძლება დაპირისპირება მოჰყვეს. ჰოროსკოპის ვარსკვლავები გირჩევენ, მხოლოდ საკუთარ თავს დაეყრდნოთ – ამ დღეს ყველაზე კარგად ის საქმეები გამოგდით, სადაც მარტო მოქმედებთ.
თხის რქა
ამ დღეს თავს სპექტაკლში იგრძნობთ, სადაც მთავარ როლს ასრულებთ. იმის განცდა, რომ სცენაზე, ყურადღების ცენტრში ხართ, შეიძლება მთელი დღე გაგყვეთ. საკუთარ თავს ძალიან ნუ შეიცოდებთ – თუ ამის მიზეზი არსებობს, ჯობია ეს სხვებმა გააკეთონ.
მერწყული
ეს დღე საოჯახო საქმეებში უნდა გაატაროთ. ეცადეთ, სახლი და საკუთარი აზრები მოაწესრიგოთ. კარგი იქნება თუ განვლილ წელს შეაჯამებთ და სამომავლო გეგმებს დასახავთ. მოერიდეთ საყვარელ ადამიანებთან დაპირისპირებას – ამ დღეს უმნიშვნელო წყენასაც კი შეიძლება სერიოზული ჩხუბი მოჰყვეს.
თევზები
დილიდნ ცნობისმოყვარეობა გკლავთ და სხვა ადამიანების საიდუმლოების გაგებას ცდილობთ. თუმცა შეიძლება ისე მოხდეს, რომ უნებლიეთ საკუთარი გაამჟღავნოთ, რაც უამრავ პრობლემას შეგიქმნით. ვარსკვლავები გირჩევენ, რომ ამის თავიდან ასაცილებლად ჭორიკანა ადამიანებს მოერიდოთ და საკუთარი სიტყვები აკონტროლოთ.