წლის 1-ელ ნახევარში ვაკანსიების რაოდენობა jobs.ge-ზე 15%-ით გაიზარდა. ამის შესახებ PMCG-ს კვლევაშია აღნიშნული.
კერძოდ, 2023 წელს, იანვრიდან ივნისის ჩათვლით, 42 075 ვაკანსია გამოქვეყნდა jobs.ge-ზე, რაც 2022 წლის შესაბამის პერიოდთან შედარებით, 15%-ით გაზრდილი მაჩვენებელია.
კვლევის თანახმად, 2023 წლის ივნისში გამოქვეყნებული ვაკანსიების რაოდენობა 1.1%-ით ნაკლებია 2023 წლის მაისში გამოქვეყნებული ვაკანსიების რაოდენობასთან შედარებით.
PMCG-ს ცნობით, საანგარიშო პერიოდში ყველაზე მეტი – 10 978 ვაკანსია საიტზე გაყიდვების, შესყიდვების კატეგორიაში გამოცხადდა; მას მოსდევს ადმინისტრაციის, მენეჯმენტის კატეგორია – 9 919 ვაკანსიით, მე-3 ადგილზეა – ფინანსები, სტატისტიკის კატეგორიის მიმართულება, სადაც 7 799 ვაკანსია განთავსდა.
ჩამონათვალში ხვდება ასევე:
- ლოჯისტიკა, ტრანსპორტი, დისტრიბუცია – 6 259 ვაკანსია;
- ინფორმაციული ტექნოლოგიები/პროგრამირება – 1 663 ვაკანსია;
- სხვა – 15 423 ვაკანსია.
