ახალქალაქის, კუმურდოსა და კარის მიტროპოლიტის, ნიკოლოზის განცხადებით, პატიმრობაში მყოფმა ექსპრეზიდენტმა, რომელიც 39 დღეა შიმშილობს, ზიარების სურვილი თავად გამოთქვა.
მისივე თქმით, ზიარების აქტი პატრიარქის ლოცვა-კურთხევით მოხდა. მიტროპოლიტი აღნიშნავს, რომ მიხეილ სააკაშვილის კლინიკაში გადაყვანა ადამიანურობისა და ჰუმანურობის საკითხია.
“თვითონ მან შემოგვითვალა, რომ სურდა ზიარების მიღება და მე ეს როგორც კი პატრიარქს ვუთხარი, მას ერთი წუთი დაყოვნება არ ჰქონია – თუ უნდა მას ზიარება, აუცილებლად უნდა ეზიაროს. და ეს არის პატრიარქის ლოცვა-კურთხევით, რომ მან მიიღო წმინდა ზიარება. გარწმუნებთ, სრულებით ღირსეულად ეზიარა. 40 დღე იმარხულა და ჩემთვის ეს არის მარხვა.
ძალიან დასუსტებულია ჩემთვის. რაც შეეხება კლინიკაში გადაყვანას – ვფიქრობ, უბრალოდ ადამიანურია, ჰუმანურია და საჭიროა,”- განაცხადა მიტროპოლიტმა ნიკოლოზმა.