არალეგალური საქმიანობა – შემოსავლის იოლი წყარო თუ ცხოვრების უმძიმესი გზა? უნდა იყოს თუ არა პროსტიტუცია ლეგალიზებული და მთავარი კითხვა ვინ დგას არალეგალური პორნო-ინდუსტრიის უკან, ვინ მფარველობს ამ ბიზნესს.
ამ პრობლემით ერთ-ერთმა ინტერნეტ მომხარებელმა საზოგადოებას მიმართა :
,,მოგესალმებით. ერთ მნიშვნელოვან თემას მინდა შევეხო და მეტად საინტერესოს, აქვე მინდა შესაბამისად ამ საკითხის მაკონტროლებელი ფეის გვერდებიც მოვნიშნო, (ან თუ აკონტროლებენ საერთოდ) ეს ბევრისთვის ტაბუ დადებული თემაა და მასზე ლაპარაკსაც ერიდებიან, მაგრამ ფაქტია რომ პროსტიტუცია ლეგალიზებული არ არის, შესაბამისად კონტროლზეც არ არის აყვანილი, მინდა შევეხო ინტერნეტ მამაშების თემას დიახ ინტერნეტ მამაშების, მოგეხსენებათ არის რამოდენიმე საკმაოდ ცნობილი ქართული საიტი ამ კუთხით, სადაც მამაკაცმა ფასიანი ქალი შეიძლება მოიძიოს (https://kama.ge/.https://escorthub.ge/ka…https://ero.ge/) და მრავალი სხვა სამომხმარებლო საიტი ამ კუთხით, აღნიშნულ საიტებზე საქართველოს სხვადასხვა კუთხეებიდან მიახლოებით სამი ათასი სექსმუშაკი ქალია გაწევრიანებული, რომლებიც ვი-აიპის სანაცვლოდ აღნიშნული საიტების ადმინისტრაციას დაახლოებით ასიდან 250 ლარამდე უხდიან თვეში, სპეციალურად შექმნილ ანგარიშებზე, მათ თვითონვე შექმნილ დებულებაში უწერიათ, რომ ისინი პასუხს არ აგებენ საიტზე დადებული განცხადების შინაარსზე, მაგრამ ყველაფერი სხვაგვარადაა თუ დარეგისტრირდი სხვა მიზნით -გიკავშირდებიან და გიშლიან გვერდს. ის ფული რაც ამ ინდუსტრიაში ტრიალებს არის თუ არა უკანონო ბიზნესი? სად ჩადის ან სად ილექება? არც თუ ისე პატიოსანი ადამიანის ჯიბეებში. ვინ დგას ამათ უკან და ვინ მფარველობს საიტების ადმინისტრატურას? მათ უკანონო საქმიანობას? თუ ვერ ამჩნევთ ნეტავ?”
საკითხის აქტუალობიდან გამომდინარე საზოგადოების დიდი გამოხმაურება მოჰყვა :
-თვითინ მაგ კანონის დამწერი და შემსრულებელი პირები სარგებლობენ არალეგალური პროსტიტუციით და ვინ აღასრულებს კანონს? მე სრულად ვიზიარებ პარტია ,,გირჩის“ პათოსს პროსტიტუციასთან დაკავშირებით, ამდენი ბინძურად დამალული სუტინიორების ნაცვლად აჯობებს მოხდეს ლიბერალიზაცია ამ კანონის რადგან არ იყოს ისეთი ფაქტები როგორიცაა ნების საწინააღმდეგოდ ჩათრევა, არასრულწლოვნების ჩათრევა და ძალადობა მათზე, ასევე იყოს კომისია რომელიც გააკონტროლებს როგორც მათ უფლებებს ასევე სამედიცინო კუთხით, რადგან პროსტიტუცია ერთერთი მთავარი გამავრცელებელია ვენერიული დაავადებების ნარკომანიასთან ერთად. ასე რომ ჩემი აზრი ასეთია.
– არანაირი გამართლება არა აქვს სიტყვებს „ გაჭირვებამ მაიძულა“ <ოჯახის, შვილების გამო ვაკეთებ ამ საქმეს.“ . მანდილოსანს სულში აქვს მიდრეკილება და აღვირსაც იხსნის. მამაკაცთა მოდგმასაც მეტი არ უნდა!
-ლეგალური უნდა გახდეს როგორც სხვა ბევრ განვითარებულ ქვეყანაშია ისე.
-რაიმეს აკრძალვას აზრი არა აქვს, მაგრამ იტალიაში აკრძალულია ქუჩაში დგომა, გახადონ ლეგალური ოფიციალურად და ქუჩები უნდა გასუფთავდეს აუცილებლად.
-საერთოდ ვერ ვხვდები რატომაა არალეგალური?!
-სხვა გამოსავალი ყოველთვის მოიძებნება თავის სარჩენი. მაგრამ მაგით უფრო მეტ ფულს აკეთებენ ვიდრე სხვა სამსახურში და მუშაობენ.
-მე სექსი ვისათან მექნება და სანაცვლოდ მისგან რას მივიღებ ვისი რა საქმეა , ყველამ ჩვენსას რომ მივხედოთ კარგიიქნება, მაგრამ ასე ამ ,,სიამოვნების” საქმედ და ბიზნესად გადაქცევა ცოტა არ იყოს არ არის კარგი.
-ჩემი საქმე არაა ვინ სულს გაყიდის ან სხეულს, მაგრამ აპელირება იმაზე რომ ,,უჭირს და რა ჰქნას” აბსოლუტურად ვერ მისაღებია ჩემთვის. ალბათ ფულის შოვნის იოლ ხერხს მიაგნეს .
ეგენი ბევრ პატიოსან საქმიანობას ითაკილებენ და ისევ ცირკთან დადგებიან.
შეგახსენებთ , რომ პროსტიტუციის ხელშეწყობას არეგულირებს სისხლის სამართლის კოდექსის 254-ე მუხლი. ამ მუხლის პირველი ნაწილის თანახმად, პირის პროსტიტუციაზე დაყოლიება ან/და სხვა ისეთი არაძალადობრივი ქმედების განხორციელება, რომელიც ხელს უწყობს პირის პროსტიტუციაში მონაწილეობას, ისჯება ჯარიმით ან თავისუფლების აღკვეთით ვადით ორ წლამდე. პროსტიტუციისათვის ადგილის ან საცხოვრებლის გადაცემა ისჯება ჯარიმით ან თავისუფლების აღკვეთით ვადით ორიდან ოთხ წლამდე, გარკვეულ შემთხვევებში კი ვადით სამიდან ექვს წლამდე.