ხონის მუნიციპალიტეტის მერიაში სამუშაო შეხვედრა გაიმართა, რომელსაც მერი ლადო ჯურხაძე უძღვებოდა.
სხდომაზე მერის ადმინისტრაციულ ერთეულებში ,,სოფლის მხარდაჭერის პროგრამის,, ფარგლებში მიმდინარე ინფრასტრუქტურული პროექტები მომოიხილეს, სოციალური სტრატეგიის შემუშავების პროცესში მერის წარმომადგენელთა ჩართულობასა და არსებულ პრობლემებზე ისაუბრეს.
ოთარ ჯაფარიძემ ფაროსანას წინააღმდეგ მიმდინარე ღონისძიებები შეაჯამა და აღნიშნა, რომ გრძელდება ე.წ. ,,ცივი შესხურებით,, დაგვიანებთ ნათესი ფართობების დამუშავება. ამასთავავე, დაიწყო და ოქტომბრის ბოლომდე გასტანს თერმული ნისლით საკარმიდამო და საყანე ფართობების შეწამვლა.
სამუშაო შეხვედრაზე განიხილეს ტურისტულ ზონაში, ასევე, ცენტრალური საავტომობილო გზების მიმდებარედ ნარჩენების გატანის ინტენსივობის გაზრდისა და გარე- განათების სისტემების გამართული მუშაობის საკითხები. მერის ლადო ჯურხაძის განცხადებით, აღნიშნულ პრობლემებზე მუშაობა მიმდინარეობს და შედეგი უახლოეს დღეებში იქნება.
