პიტერ დინკლიჯი, რომელიც „სამეფო კარის თამაშში“ ტირიონ ლანისტერის როლით არის ცნობილი, „შიმშილის თამაშების“ პრიქველში ითამაშებს. ამის შესახებ Deadline-ი წერს.
გამოცემის ინფორმაციით, ფილმის მთავარი გმირი ახალგაზრდა პრეზიდენტი სნოუ იქნება, რომელსაც მეათე შიმშილის თამაშების ერთ-ერთ მონაწილის მენტორად ნიშნავენ. დინკლიჯი კასკა ჰაიბოტომის როლს შესრულებს, რომელიც ელიტური სასწავლო დაწესებულების – კაპიტოლიუმის აკადემიის დეკანია და სნოუზე დიდი გავლენა აქვს.
„შიმშილის თამაშები“ ამერიკელი მწერლის სიუზენ კოლინზის ამავე სახელწოდების ტრილოგიაზეა დაფუძნებული. სერიის პირველი ფილმი ეკრანებზე 2012 წელს გამოვიდა. მისი მთავარი გმირი 16 წლის გოგონა ქეთნის ევერდინია, რომელიც პოსტაპოკალიპტურ მსოფლიოში ცხოვრობს. მას შიმშილის თამაშებში უწევს მონაწილეობის მიღება – ეს ყოველწლიური სატელევიზიო ღონისძიებაა, რომელშიცტ 12-დან 18 წლამდე ერთი ბიჭი და ერთი გოგონა მონაწილეობს. მათ 12 რაიონიდან ლატარიით ირჩევენ. მხოლოდ ერთი მათგანი გადარჩება.
