ალპინისტი და მთის გიდი კახაბერ აქიმიძე შოვში სტიქიის მოხდენისთანავე რაჭისკენ დაიძრა და თავის მეგობრებთან ერთად, სტიქიის ზონაში 4 აგვისტოს, გამთენიას ჩავიდა. მასთან ინტერვიუ “რადიო თავისუფლებამ” ჩაწერა.
როცა პირველად მთიდან მიწით დაფარული კურორტ შოვის ტერიტორია დაინახა, მიხვდა, რომ ყველაფერი არც ისე მშვიდობიანად იყო, როგორც სტიქიის პირველ საათებში ჩანდა და აცხადებდნენ. იმასაც მიხვდა, რომ ბევრი რამ უკვე დაგვიანებული იყო.
კახა აქიმიძე დღემდე იქაა, თავის მეგობრებთან ერთად მაშველების დახმარებას ცდილობს და ამბობს, რომ მიუხედავად მთავრობის განცხადებებისა, რომ იქ მოხალისეები არ სჭირდებათ, სტიქიის ზონაში საკეთებელი ბევრია და დღეს იქ გაცილებით მეტი ადამიანი უნდა იდგეს.
„სასიკვდილო ზონა იყო.. სხვა ადამიანი, ვინც საშველად იყო წასული შეიძლება ისიც დაუპულიყო…“ – ამბობს ალპინისტი შოვიდან
„ეგეთ სურათს არავინ არ ელოდებოდა საერთოდ…სასიკვდილო ზონა იყო, თავისუფლად შეიძლებოდა სხვა ადამიანი, ვინც საშველად იყო წასული შეიძლება ისიც დაუპულიყო, თუ ლოგიკურად არ იმოქმედებდი…“, ამბობს კახაბერ აქიმიძე.
