ნაციონალური მოძრაობის” თავმჯდომარემ, ნიკა მელიამ საგანგებო ბრიფინგი გამართა.
ნიკა მელიას განცხადებით, ახლა საჭიროა სრული მობილიზება და ერთობა.
მისივე თქმით, ხვალისთვის დაგეგმილი სამი აქცია არ გაიმართება და საზოგადოება რესპუბლიკის მოედანზე შეიკრიბება.
“ჩვენ, სამ ლოკაციაზე, ხვალისთვის დაგეგმილ მანიფესატაცია-მსვლელობებს ვაუქმებთ და გელოდებით ყველას, სამ საათზე, რესპუბლიკის მოედანზე. გადავდოთ ყოველგვარი საქმიანობა და ყველა გამოვიდეთ, მიხეილ სააკაშვილის მკვლელობა, არის სახელმწიფოს მკვლელობა მრავალი წლით. მიუხედავად იმისა, რომ ხვალ არის სამუშაო დღე, მთავარი სამსახური არის ხვალ რესპუბლიკის მოედანზე, იქ ვიკრიბებით კონკრეტული გეგმით, რასაც ხვალ, მეგობრებთან ერთად გაგაცნობთ.
ხელისუფლებას, აქედან ვეტყვი, თუ შეგრჩენიათ საღი აზრი, ხვალ სამ საათამდე გადაიყვანეთ სააკაშვილი სამოქალაქო კლინიკაში.
ჩვენ გავაკეთებთ ყველაფერს, რომ თქვენ მიხეილ სააკაშვილი ვერ მოკლათ.
ხვალ სამ საათზე ყველანი რესპუბლიკის მოედანზე. ვინც დააპირებთ თბილისში ხვალ ჩამოსვლას, თბილად ჩაიცვით და მოემზადეთ სამართლიანი, არაძალადობრივი ბრძოლისთვის, რომელიც აუცილებლად დასრულდება გამარჯვებით”, – განაცხადა ნიკა მელიამ.
