“ ჯორჯ კობის – გრიგოლ კობახიძის მიერ სოფლისათვის შეძენილი მაღაზიის ნაგებობის სახლ-მუზეუმად გაკეთებასთან დაკავშირებით 2019 წელს ამბროლაურის მუნიციპალიტეტის წარმომადგენლებმა – იმ დროინდელმა რწმუნებულმა არჩილ ჯაფარიძემ და ამბროლაურის მერმა – დავით მხეიძემ საჯაროდ განაცხადეს.
ამას მოჰყვა დიდი იმედი, რომ აღნიშნული პროექტი სოფლის გადარჩენას, სიცოცხლის თავიდან დაბრუნებას, მნიშვნელობის გაზრდას როგორც ტურისტული თვალსაზრისით, ასევე იქ მცხოვრები, ჯერ კიდევ შემორჩენილი რამდენიმე ოჯახის კეთილდღეობის ხელშემწყობი ფაქტორი გახდებოდა. ასე არ მოხდა…
დღითიდღე ნადგურდება შენობა-ნაგებობა, რომელიც მსოფლიო მნიშვნელობის ქართველმა (რაჭველმა) გამომგონებელმა – კორჯ კობიმ საკუთარ თანასოფლელებს – თხმორელებს უსახსოვრა, მათსავე კეთილდღეობისათვის. დღემდე იხსენებენ, რომ კობის საჩუქარი იმ დროისთვის ნამდვილად იყო სოფლის განვითარების ერთ-ერთი მნიშვნელოვანი ნაბიჯი და ეს ნათლად ეტყობოდა ადგილობრივების ყოფა-ცხოვრებას. ვფიქრობთ, რომ ვიდრე ჯერ კიდევ დროა ერთობლივი ჩართულობით – ადგილობრივ თვითმმართველობასა და სოფელის წარმომადგენლებს შორის, აუცილებელია შედგეს შეხვედრა, შემუშავდეს პროექტი და პროცესს მიეცეს მსვლელობა. რაჭა-ლეჩხუმისა და ქვემო სვანეთის მხარე, ამბროლაურის მუნიციპალიტეტი კვლავ მოგმართავთ თხოვნით, პრიორიტეტულად ჩათვალოთ ჯორჯ კობის თხმორელებისთვის ნაჩუქარი შენობა-ნაგებობის რეაბილიტაცია და პირვანდელი სახის დაბრუნება. უპირველესად მთავარია შენობა შენარჩუნდეს! იქნებ შესაძლებელია დავიწყოთ ფიქრი მრავალწლიან შენობა-ნაგებობას მატერიალური კულტურული მემკვიდრეობის ძეგლის სტატუსი მივანიჭოთ საქართველოს კულტურული მემკვიდრეობის დაცვის ეროვნული სააგენტო.
ნაწყვეტი ამბროლაურის მუნიციპალიტეტის ოფიციალური ფეისბუქ გვერიდან:,,გრიგოლ კობახიძის მშობლიური სახლი რაჭაში, თხმორში მდებარეობს. აღნიშნულ ადგილზე, რეგიონული და ადგილობრივი ხელისუფლების ინიციატივით, დაგეგმილია სახლ-მუზეუმის მოწყობა, რომელიც ტურისტულად ერთ-ერთი მიმზიდველი ადგილი გახდება.
შეგახსენებთ, რომ ჯორჯ კობის ფსევდონიმით ცნობილი რაჭველი გამომგონებელი, იმ პიროვნებათა კატეგორიას მიეკუთვნება, რომლებმაც სახელი მსოფლიო მასშტაბით მოიხვეჭეს და საკუთარი გამოგონებები კომერციულად მომგებიანი გახადეს.”
2019 წლის 31 ივლისი.
ფოტო გადაღებულია 2018 წლის სექტემბერში, ახლანდელი მდგომარეობა ბევრად მძიმეა…” – ვკითხულობთ სოციალურ ქსელში.
