კოლეგები მეც მეკითხებიან: „რა ჯანდაბა ხდება ბერლინში?“ და სრულად მესმის მათი. ეს ძალიან ნორმალური კითხვაა – აქ, თქვენს ქვეყანაში მოვლენების განვითარებას უზარმაზარი ზეგავლენა აქვს ჩვენზე იმიტომ, რომ ყველაზე დიდი საფრთხე არა მხოლოდ ქართველი ხალხისთვის, არამედ ჩვენთვის, რუსული იმპერიალიზმია, – ამის შესახებ გერმანიის პარლამენტის (ბუნდესტაგის) საგარეო ურთიერთობათა კომიტეტის თავმჯდომარემ, მიხაილ როთმა პრესკონფერენციაზე განაცხადა, რითაც უპასუხა „ინტერპრესნიუსის“ კითხვას, საქართველოს შიდა საქმეებში ევროპის ჩარევის შესახებ ხელისუფლების კრიტიკასთან დაკავშირებით და იმის თაობაზე, თუ რატომ აქვს ევროპას ასეთი დიდი ინტერესი ქართული პოლიტიკის მიმართ.
როგორც როთმა განმარტა, ევროპის ინტერესებში შედის, რომ აღმოსავლეთ ევროპაში ვითარება დასტაბილურდეს მშვიდობით, დემოკრატიით, კანონის უზენაესობითა და თავისუფლებით.
„საერთო საფუძველია ევროკავშირის წევრობისკენ, რომ იყო ჩართული არა მხოლოდ საკუთარი ინტერესებიდან გამომდინარე. მაგალითად, ჩემი მთავრობის კოლაფსი უზარმაზარ ზეგავლენას ახდენს ევროპული კავშირის სტაბილურობაზე. სრულად მესმის, როდესაც ჩემი პატივცემული კოლეგები მეც მეკითხებიან – „რა ჯანდაბა ხდება ბერლინში?“ ეს არის ძალიან ნორმალური კითხვა და აქ, თქვენს ქვეყანაში მოვლენების განვითარებას უზარმაზარი ზეგავლენა აქვს ჩვენზე იმიტომ, რომ ყველაზე დიდი საფრთხე არა მხოლოდ ქართველი ხალხისთვის, არამედ ჩვენთვის, რუსული იმპერიალიზმია. თქვენი ქვეყნის 20% და არა ჩემი ქვეყნის, რუსეთის მიერაა ოკუპირებული. თუ ჩვენ არ შევაჩერებთ რუსულ იმპერიალიზმს, ჩვენს ქვეყნებშიც მოახდენს დესტაბილიზაციას მშვიდობის, უსაფრთხოების, დემოკრატიის, თავისუფლების. მოლდოვის რესპუბლიკაში დეზინფორმაციის კამპანიები მხოლოდ ჩვენი მეგობრებისთვის და მოკავშირეებისთვის არ იყო, ასევე იყო გერმანიაში. ყველა ერთ ენაზე ვლაპარაკობთ, ერთი ოჯახი ვართ, ერთგული ევროპელები ვართ. საქართველო არ არის ევროკავშირის წევრი, მაგრამ ეს ჩვენი მისიაა. ვცდილობთ, დაგეხმაროთ ამ გრძელ და რთულ გზაზე. ეს ნამდვილად ღირებულია, ჩვენს ინტერესებში შედის, მოხდეს აღმოსავლეთ ევროპის სტაბილიზაციაა მშვიდობით, დემოკრატიით, კანონის უზენაესობით და თავისუფლებით. ეს გახლავთ საუკეთესო ინსტრუმენტი იმისთვის, რომ რუსულ იმპერიალიზმს ვებრძოლოთ. რუსეთის დამშვიდება არჩევანი არაა, ეს არ არის სტრატეგიის ნაბიჯი, ამიტომ უფრო ხმამაღლა ვლაპარაკობთ, ვიდრე სხვები“, – განაცხადა როთმა.
