სახელმწიფო უწყებებში სამოხელეო დანაშაულის მაჩვენებელი იზრდება. შინაგან საქმეთა სამინისტროს სტატისტიკის მიხედვით, 2026 წლის მეორე კვარტალში ზრდამ თითქმის 67% შეადგინა. კერძოდ, წელს აპრილი-ივნისის პერიოდში გამოვლენილია სამოხელეო დანაშაულის 187 ფაქტი, წინა წლის ანალოგიურ პერიოდში კი ეს მაჩვენებელი 112-ს შეადგენდა.
ამასთან, უწყების მიერ გამოქვეყნებული სტატისტიკა აჩვენებს, რომ საანგარიშო პერიოდში თითქმის ყველა ტიპის სამოხელეო დანაშაული გაზრდილია.
უფრო კონკრეტულად, შს სამინისტროს მონაცემებით, 2026 წლის მეორე კვარტალში წელს სამოხელეო დანაშაულის შემთხვევების სტატისტიკა, წინა წლის ანალოგიურ პერიოდთან შედარებით ასეთი იყო:
- სამსახურებრივი უფლებამოსილების ბოროტად გამოყენების ფაქტები – 136.36%-ით გაიზარდა, დაფიქსირდა – 26 შემთხვევა;
- სამსახურებრივი უფლებამოსილების გადამეტება – 21.88%-ით გაიზარდა, დაფიქსირდა 78 შემთხვევა;
- ქრთამის მიცემის ფაქტები – 2 შემთხვევა, 2025 წელსაც 2 შემთხვევა დაფიქსირდა;
- ქრთამის აღების ფაქტები – 1 550%-ით გაიზარდა, დაფიქსირდა 33 შემთხვევა;
- სამსახურებრივი სიყალბის ფაქტები – 85.71%-ით გაიზარდა, დაფიქსირდა 13 შემთხვევა;
- სამსახურებრივი გულგრილობის შემთხვევები – 20.83%-ით გაიზარდა, დაფიქსირდა 29 შემთხვევა;
- კანონით აკრძალული საჩუქრის მიღება – 100%-ით გაზიარდა, დაფიქსირდა 1 შემთხვევა
- ზეგავლენით ვაჭრობა – 300%-ით გაიზარდა, დაფიქსირდა 3 შემთხვევა
ამასთან, მიმდინარე წლის მეორე კვარტალში დაფიქსირდა – განმარტების, ჩვენების ან დასკვნის მიცემის იძულების 2 შემთხვევა; არ დაფიქსირებულა სამეწარმეო საქმიანობაში უკანონო მონაწილეობის არცერთი შემთხვევა.
