ქუთაისის მერიის მიერ გავრცელებულ ბრძანებას, რომელის საფუძველზეც ჟურნალისტი ბუბა ჩივაძე ადმინისტრაციული შენობიდან გააძევეს და დააკავეს, ქუთაისელი ჟურნალისტები ეხმაურებიან და აცხადებენ რომ ჟურნალისტებისათვის აღნიშნული ბრძანების შესახებ ინფორმაცია არავის მიუწოდებია და ის არც მერიის ოფიცაილურ ვებ გვრდზე იძებნება.
“ეს განცხადება აღმოჩნდა სიურპრიზი” – ამის შესახებ “მეგა ტვ”-ს ჟურნალისტმა ვაჩიბერაძემ განუცხადა. მისითქმით ბუბა ჩივაძე მერიამ პერსონა ნონგრატად გამოაცხადა:
“აღვნიშნავ რომ არანაირი ინფორმაცია მე და ჩემს კოლეგებს აქ გვქონია რომ მერიას ჰქონდა ეს ბრძანება მიღებული. გასული ერთი თვისა და წლების განმავლობაში მერიის შენობაში თავისუფლად გადავადგილდებოდი. ქუთაისელი ჟურნალისტი ბუბა ჩივაძე გამოირჩევა მისი კრიტიკული აზრით, არის ოპოზიციურად განწყობილი ჟურნალისტი, მერიამ ის ე.წ პერსონა ნონ გრატად გამოაცხადა.” – ამბობს ირაკლი ვაჩიბერაძე
მერიის მიერ გავრცელებულ განცხადებაში ნათქვამია რომ მერიის და საკრებულოს ადმინისტრაციულ შენობაში გარეშე პირთა, მოქალაქეთა, მათ შორის მედიის წარმომადგენელთა შემოსვლა დასაშვებია მხოლოდ ელექტრონული საშვის გაცემის შემდგომ. ქუთაისის მერიის ზემოთ აღნიშნული ბრძანება განთავსებულია ადმინისტრაციული შენობის შემოსასვლელში, ყველასთვის თვალსაჩინო ადგილზე, რომლის გაცნობაც ყველა დაინტერესებულ პირს თავისუფლად შეუძლია. მერიის შენობის მოქალაქეთა მისაღებში შემოსულ ჟურნალისტ ბუბა ჩივაძეს საშვის გაცემაზე უფლებამოსილმა პირმა სთხოვა ამოეწერა საშვი, რის შემდეგაც მიეცემოდა შენობაში გადაადგილების უფლება. ის არაერთხელ იქნა გაფრთხილებული საშვის ამოწერის აუცილებლობის თაობაზე, თუმცა მან ეს გაფრთხილება არ გაითვალისწინა. არ დაემორჩილა დაცვის პოლიციის მოწოდებას, წინააღმდეგობა გაუწია მათ და მერის სამუშაო ოთახში ძალით შეიჭრა.“ – ვკითხულობთ განცხადებაში.