როგორც კარდიოლოგები ამბობენ, რისკჯგუფში, პირველ რიგში, ორსული ქალები, მოხუცები, შვიდიდან რვა წლამდე ასაკის ბავშვები, გულის და ენდოკრინული სისტემის დაავადებების მქონე, ჭარბწონიანი და მწეველი ადამიანები არიან. მწეველებს უნდა ახსოვდეთ, რომ ნიკოტინი ჰიპოქსიას ზრდის. ასევე, განსაკუთრებული სიფრთხილე მართებთ 1 და 2 ტიპის დიაბეტის და ფარისებრი ჯირკვლის დაავადებების მქონე ადამიანებს.
კარდილოგები გვირჩევენ, რომ ექსტრემალური სიცხის დროს:
- უარი ვთქვათ ალკოჰოლზე, ყავასა და გაზიან სასმელებზე და მძიმე ფიზიკურ შრომას მოვერიდოთ.
- მენიუში უნდა შეზღუდოთ ხორცის პროდუქტები და უპირატესობა ბოსტნეულს მიანიჭოთ.
- წითელი ხორცის ნაცვლად შეგიძლიათ თევზი მიირთვათ.
- მაგნიუმის და კალიუმის მარაგის შესავსებად უპირატესობა წიწიბურას, კენკრას, ბოსტნეულს და თხილს უნდა მიანიჭოთ,
- და რაც მთავარია, ზედმეტი არ უნდა ჭამოთ.
თუ განსაკუთრებული სიცხის დროს გარეთ გასვლა გიწევთ, ქუდი უნდა დაიხუროთ და თან წყალი წაიღოთ. თუ პარკში გასეირნება გსურთ, უპირატესობა მიანიჭეთ ადგილს, სადაც შადრევანი ან აუზია.
სასურველია სიცხეში ღია ფერის, ნატურალური ქსოვილისგან დამზადებული სამოსი ჩაიცვათ. პროფილაქტიკისთვის მეტი სითხე უნდა მიირთვათ – ჩაი, მინერალური წყალი, ხილის სასმელები, უცხიმო რძის სასმელები, ჩირის ნახარშები და გამაგრილებელი სასმელები.
დღისით სახლში, ოთახის ტემპერატურა 32 გრადუს ცელსიუსს არ უნდა აღემატებოდეს. თუ კონდიციონერი არ გაქვთ, სახლში სიცხის შეღწევის შემცირებისთვის დახურეთ ფანჯრები, ჟალუზები, ჩამოაფარეთ ფარდები, განსაკუთრებით მზის მხარეს. ჩამოკიდეთ სველი პირსახოცები. ეს გაგრილებასთან ერთად სახლს დაატენიანებს.
Funtime.ge
