ნინა სუბლატი იმ ადამიანებს მიმართავს, ვინც აცრას არ აპირებს, რომ რეგულაციები მაინც დაიცვან.
“ფოტომტკიცებულების გარეშეა, მაგრამ მაინც, 2-ვე დოზა პფაიზერი.
იმის მიუხედავად რომ პანდემიის დასაბამიდან ყველა რეგულაციას ვიცავ ისე რომ სახელმწიფოს დაძალება არ დამჭირვებია, მაინც ავიცერი, – მეც, მთელი ჩემი ოჯახიც და უმეტესობა მეგობრებიც.
ერთს იმას ვიტყვი, რომ “იმათ” (?!) რომ ჩვენი ვნება უნდოდეთ, ადამიანის ორგანიზმი ისეთი სათუთია, გეხვეწებით დაგხოცავთო არავინ დაგვიწყებდა, ადგებოდნენ და უბრალოდ ამოგვშლიდნენ ნებართვის გარეშე, არ უნდა ამას ბევრი ბჟუტური.
სასაცილო არ არის ადამიანების გარდაცვალება, არც მათი ავად ყოფნა.
კარგი იქნებოდა მცირეოდენი პასუხისმგებლობა ყველას აგვეღო ჩვენ თავებზე.
გასაგებია ეგოების სიდიადე მაგრამ, დისტანცია მაინც დაიცავით თუ არ იცრებით, პირბადე გაიკეთეთ და ფსევდო ბოროტებასთან ბრძოლაში თქვენ ნუ გახდებით თუნდაც უცნობის მკვლელი.
არავინ არაფერს გაძალებთ და თქვენც ნუ იქნებით ჯინაზე გადამდებები.
ყველაზე მარტივი ხომ რეგულაციების დაცვაა, ეს მაინც გააკეთეთ ჭირვეულობის გარეშე.
პ.ს. ვინმეს თუ აინტერესებს და დაეხმარება – პირველ დოზაზე სრულიად შესანიშნავად ვიყავი, მეორეზე 1 დღიანი ზოგადი სისუსტე და ტემპერატურის მატება მქონდა.
მაგალითად 2-3 წლის წინ სეზონური ვაქცინაციის შემდეგ 3 დღე ვიყავი ცუდად. ამ შემთხვევაში მეორე- მესამე დღეს დავუბრუნდი ჩვეულ ცხოვრებას, სულიც ადგილზეა, ტვინიც, მესამე თვალიც და ჩიპიც. ჯანმრთელობას გისურვებთ ყველას”, – წერს ნინა სუბლატი.
