„ენით აღუწერელი ტრაგედია ტრიალებს“ – სამტრედიაში 21 წლის დავით კიკვაძეს გლოვობენ – ინფორმაციას “მთავარი ამბები” ავრცელებს.
ტრაგედია გუშინ, სამტრედიაში მოხდა. წინასწარი ინფორმაციით, ერთ-ერთი საცხოვრებელი სახლის ეზოში რკინის კონსტრუქციის მონტაჟი მიმდინარეობდა. სავარაუდოდ, მიწამ დატვირთვას ვერ გაუძლო, რის შედეგადაც კონსტრუქცია ჩამოიშალა და 21 წლის დავით კიკვაძეს დაეცა. ახალგაზრდა სასწრაფოდ საავადმყოფოში გადაიყვანეს, თუმცა მიღებული მძიმე დაზიანებების გამო მისი გადარჩენა ვერ მოხერხდა.
„ენით აღუწერელი ტრაგედია ტრიალებს… 21 წლის ვაჟკაცი დავკარგეთ. სიტყვები უძლურია ასეთი ტკივილის წინაშე,“ – ამბობს „მთავარი ამბების“ წყარო.
მომხდარის დეტალები ჯერ კიდევ გუშინ ვიცოდით, თუმცა შეგნებულად არ გავასაჯაროეთ, რადგან გარდაცვლილის დედა ემიგრაციაში იმყოფებოდა და ველოდებოდით, რომ ოჯახისთვის ეს უმძიმესი ამბავი ეცნობებინათ.
ვუსამძიმრებთ დავით კიკვაძის ოჯახს, ახლობლებსა და მეგობრებს ამ უმძიმესი დანაკლისის გამო.
ფანჯარასთან მოირბინეს და იარაღი დაგვიმიზნეს – რა მოხდა ქუთაისში
მოქალაქე სოციალურ ქსელში წერს რომ გვიან ღამით ქუთაისში, ავტოქარხნის დასახლებაში ორი პირი ავტომობილის გაძარცვას ცდილობდა. როგორ ადგილობრივი წერს უცნობმა პირებმა მათ იარაღიც დაუმიზნეს ,,ძარცვა ქუთაისშიავტოქარხანა, ცოტნე დადიანის ქუჩა მთელი ღამის...
