დაპირისპირება გურჯაანის სოფელ ზეგაანში რომელიც დაჭრით დასრულდა ადგილობრივების ინფორმაციით, დაბადების დღის სუფრაზე დაიწყო, რის შემდეგაც სამ ახალგაზრდა მამაკაცს – მათთვის უცნობმა პირმა ცივი იარაღით მრავლობითი ჭრილობები მიაყენა.
ზეგაანში მცხოვრებთა ერთ-ერთი ვერსიით, სამივე დაჭრილი ხორცის რეალიზაციას ეწევა და ინციდენტი სწორედ მათ საქმიანობას მოჰყვა.
სამივე დაშავებული გუშინ გურჯაანის “ჯეო ჰოსპიტალსის” კლინიკაში გადაიყვანეს, მათ დაზიანებები გულ-მკერდის და მუცლის არეში აქვთ მიყენებული.
სამი დაჭრილიდან ერთ-ერთი კლინიკიდან უკვე გამოწერეს, ხოლო დანარჩენი ორის სიცოცხლეს საფრთხე არ ემუქრება.
ქირურგი გიორგი გოგინაშვილის თქმით, პაციენტების მდგომარეობა დამაკმაყოფილებელია.
შეგახსენებთ, რომ დანაშაულის იარაღი უკვე ამოღებულია და გამოძიება 117-მუხლით დაიწყო, დანაშაული კი 9-დან 13-წლამდე ვადით თავისუფლების აღკვეთას ითვალისწინებს
