უკრაინის შეიარაღებული ძალების გენერალური შტაბის ოპერატიული ანგარიში 19 მარტის დილის 07:00 საათისთვის:
? უკრაინის საზენიტო-სარაკეტო ძალებმა და თვითმფრინავებმა გაანადგურეს მტრის 12 საჰაერო სამიზნე: 2 თვითმფრინავი, 3 ვერტმფრენი, 3 უპილოტო საფრენი აპარატი და 4 საკრუიზო რაკეტა.
? დღის განმავლობაში უკრაინის შეიარაღებულმა ძალებმა გაანადგურეს დამპყრობლების ტექნიკის რამდენიმე კოლონა ნიკოლაევის და სუმის რაიონებში, მტრის დანაკარგები ჯერ კიდევ ზუსტდება.
? მოწინააღმდეგისთვის ცეცხლსასროლი ზარალის მიყენების შედეგად, განადგურდა რუსეთის ფედერაციის შეიარაღებული ძალების სამხრეთ სამხედრო ოლქის მე-8 გაერთიანებული არმიის მეთაური, გენერალ-ლეიტენანტი ანდრეი მორდვიჩევი.
? უკრაინის ტერიტორიიდან დაღუპული და დაჭრილი რუსი სამხედროების გამოყვანა გრძელდება. ქალაქ გომელში, ყველა სამედიცინო დაწესებულება ქირურგიული განყოფილებით არის ჩართული დაჭრილი დამპყრობლების მიღებასა და მკურნალობაში. ქირურგები მუშაობენ 24 საათის განმავლობაში. ბელარუსის მოქალაქეების ყველა გეგმიური ოპერაცია ან გაუქმებულია ან გადადებულია განუსაზღვრელი ვადით. მძიმედ დაჭრილ რუს დამპყრობლებს შორის სიკვდილიანობის დიდი პროცენტია დაფიქსირებული.
? მტერი განიცდის მნიშვნელოვან დანაკარგებს. დანაყოფების ლოჯისტიკურ მხარდაჭერასთან დაკავშირებით, პრობლემები აქვთ. პერსონალის მორალური და ფსიქოლოგიური მდგომარეობის დაბალი დონე იწვევს დეზერტირების შემთხვევების რაოდენობის ზრდას. გახშირდა რუსი ჯარისკაცების უარი უკრაინის წინააღმდეგ ომში მონაწილეობაზე.
