“- მედეა, სად გინდა იმოგზაურო?– იქ, სადაც მუდამ მზეა …ჩემო სულის ნაწილო, უკვე ერთი წელია შენ იქ ხარ სადაც მუდამ მზეა! … შარშან ამ დროს გამწარებული დაგეძებდით შენ და ხატიას. ბოლომდე იმედი მქონდა, ბოლო წამამდე ვფიქრობდი, რომ სახლში დაგაბრუნებდით ორივეს! მე შენ დაგეძებდი, შენ კი მზიან ქვეყანაში გამგზავრებულხარ… შენ ჩემთვის ხარ და მუდამ იქნები ნათელი სხივი, იმ მზიანი ქვეყნიდან გამოტყორცნილი, გზას რომ მინათებ! ცხოვრების გზას, რომელიც შენთან მომიყვანს… მედეა, ჩემო ჭკვიანო გოგო, ძალიან მიყვარხარ….” – წერს გარდაცვლილი მედეა დევსურაშვილის დედა ლიკა სიმონიშვილი ფეისბუკზე.
“შენთან გატარებული ბოლო წუთებიც კი არ მახსოვს გავნადგურდი ამ დღის შემდეგ ჩემო თბილო დაიკო, სევდამ და დარდმა დაისადგურა ჩემს გულში სული გამიმწარდა ჩვენ ხომ ერთნი ვიყავით, ერთმანეთი გავზარდეთ და ერთად უნდა ვყოფილიყავით, რას წარმოვიდგენდი ეს დღე თუ ასეთი წყეული იქნებოდა…ნეტავ შენც ჩემთან ერთად გადარჩენილიყავი – ერს მედეა დევსურაშვილის და ხატია დევსურაშვილი
“გთხოვთ დამიბრუნეთ ეს დღე!უშენობით გამოწვეულ ტკივილს ვეღარ გადმოვცემ, ძალა აღარ მაქვს.რაც დრო გადის უფრო მენატრები ჩემო ციმციმა
უშენობის 1 წელი . – წერს მარიამ ასანიძე და ვიდეოს აზიარებს.
2020 წლის 23 აგვისტოს, 20 ადამიანი თბილისიდან ერთღიანი ტურით გამთენიას შატილში წავიდა. უკან დაბრუნებისას კი გზაზე მათი მიკროავტობუსი ხევში გადაიჩეხა. გარადცლილების ხსოვნის პატივსაცემად 25 აგვისტო საქართველოში გლოვის დღედ გამოცხადდა.
80-მეტრიან ხევში გადავარდნილ მანქანაში მსხდომი 20 ადამიანიდან სამი სიკვდილს სასწაულებრივად გადაურჩა, მათი მდგომარეობა კრიტიკულად მძიმე იყო. ნატალია თხელიძე, ხატია დევსურაშვილი და ხათუნა არღვლიანი მრავლობითი დაზიანებით საუნივერსიტეტო კლინიკაში მკურნალობდნენ. ისინი საავამყოფოდან დამაკმაყოფილებელ მდგომარეობაში გაეწერნენ.
ავარიის საქმეზე “თრეველ ჯის” დირექტორი და მიკროავტობუსის მესაკუთრე დააკავეს. სწორედ ამ კომპანიას ეკუთვნოდა შატილში გზიდან გადავარდნილი მიკროავტობუსი. გამოძიება მათ ტექნიკურად გაუმართავი ტრანსპორტის საექსპლუატაციოდ გაშვებას ედავებოდა, რამაც ორი ან მეტი ადამიანის სიცოცხლის მოსპობა გამოიწვია.