BBC-ის ცნობით, 34 წლის კალიფორნიელი კაცი, რომელიც სოციალურ ქსელში ანტივაქსერულ კამპანიას აწარმოებდა და ვაქცინების დისკრედიტაციას აქტიურად ეწეოდა, კორონავირუსთან ხანგრძლივი ბრძოლის შემდეგ გარდაიცვალა.
სტივენ ჰარმონი, მრავალათასიან გამომწერებს ხშირად უზიარებდა ხუმრობებს ვაქცინის შესახებ და მოუწოდებდა მათ არ აცრილიყვნენ.
ახალგაზრდა კაცი COVID-19 გამოწვეულ პნევმონიას საავადმყოფოში ერთი თვის განმავლობაში ებრძოდა.
უკვე კორონავირუსის წინააღმდეგ მებრძოლმა სტივენ ჰარმონმა, სამედიცინო საწოლში გადაღებული საკუთარი ფოტოები გამოაქვეყნა და ხალხს გამხნევება სთხოვა.
”არ ვიცი როდის გავიღვიძებ, გთხოვთ ილოცეთ,” – დაწერა თავის ბოლო პოსტში ჰარმონმა.
ინტუბაციისა და ჩატარებული მკურნალობის მიუხედავად, სამწუხაროდ, მისი გადარჩენა ვერ მოხერხდა.
