“გაუსაძლის მდგომარეობაში ვართ” – ქუთაისში არაყიშვილის #5-ში მაცხოვრებლები დახმარებას ითხოვდნენ. როგორც ადგილობრივები გუშინ “მეგა ტვ”-თან საუბრისას აცხადებდნენ პრობლემა კომპლექსურია. გაწმენდა ჭირდება, როგორც საკანალიზაციო ისე სანიაღვრე სისტემას. გუშინ ძლიერი ნალექის შედეგად ეზოებსა და სარდაფებში უკვე წვიმის წყლისა და საკანალიზაციო ნაწრეტის ტბორი იდგა.
როგორც ადგილობრივები ამბობენ კოპურისის ეზოში პრობლემა ერთი თვის წინ, მას შედეგ შეიქმნა, რაც მეზობლად ახალი კორპუსის მშენებლობა დაიწყო. მათი თქმით შენობაში ბუნებრივი აირის შეყვანის დროს მუშებმა საკანალიზაციო ჭა ამოავსეს და ასფალტით დაფარეს. როგორც არაყიშვილის #5-ში მცხოვრები ადამიანები ამბობენ, მათ არაერთხელ მიმართეს გაერთიანებული წყალმომარაგების კომპანიას, თუმცა პრობლემა ვერ მოგვარდა.
დღეს არაყიშვილის ქუჩაზე აღნიშნული პრობლემის აღმოსაფხვრელად გაერთიანებული წყალმომარაგების კომპანიის წარმომადგენლები მივიდნენ. ადგილზე უკვე მიმდინარეობს საკანალიზაციო სისტემის გაწმენდითი სამუშაოები.
როგორც “მეგა ტვ”-ს ადგილობრივი ოფისის წარმომადგენელმა განუცხადეს “სოკარ ჯორჯია გაზის” კონტრაქტორმა კომპანიამ ადგილზე არასწორად აწარმოა სამუშაოები, რის შედეგადაც საკანალიზაციო ქსელში ინერტული მასალა მოხვდა. აღნიშნულმა საკანალიზაციო ქსელის გაჭედვა განაპირობა.
“ვმუშაობთ მაღალი წნევის ტექნიკით და პრობლემა დღის ბოლომდე აღმოიხვრება” – განაცხადა ალექსანდრე გუნიავამ “მეგა ტვ”-თან საუბრისას.
