კარდიოქირურგი ნიკოლოზ ვაშაყმაძე პოსტს აქვეყენებს. “რატომ გახდა კარდიოქირურგია “ცეხავიკების” საქმე?”- სვამს ის კითხვას და სამედიცინო სექტორში არსებულ მძიმე მდგომარეობაზე საუბრობს:
“კომენტარად დავწერე და ვფიქრობ გასტატუსება არ იქნება ურიგო:
რატომ გახდა კარდიოქირურგია “ცეხავიკების” საქმე?
ქართულმა მედიცინა აწყვეტილი ვაგონივით მიექანება და კორუფციის და შავი ბიზნესის ჭაობი გახდა.
ახლა გამოდგება ვინმე და იტყვის, აქამდე სად ბრძანდებოდითო, არა ბატონებო, რომ არ ვჩერდებოდი და კრიმინალურ დარღვევებს მივუთითებდი ამიტომ გახლავართ გარეთ და “ცეხავიკები” შიგნით.
აქამდე კლინიკის და ქსელის იმიჯს ვუფრთხილდებოდი… ახლა აღარ და სასამართლო პროცესზე თუ მობრძანდებით უფრო დეტალურად გაიგებთ მაგ კლინიკაში არსებულ კრიმინალთან გათანაბრებულ დარღვევებს, რომელიც ნეპოტიზმით ოჯახურ-კლანური მმართველობის კანტორად ჩამოყალიბდა.
ამ თემაზე არაერთი პოსტი დაიდო და “სოკოების ისტორიაც” გეცოდინებათ ვინც ყურადღებით ადევნებთ სოციალურ ქსელს თვალს.
ახლა დეტალურად რატომ გახდა კარდიოქირურგია “ცეხავიკების” საქმე:
თითქმის 1 წელიწადია ჩემს კედელზე აპინულია სტატუსი, რაც სამართალდამცავების ინტერესის საგანი უნდა გამხდარიყო და მინიმუმ მოკვლევა უნდა დაეწყოთ სისტემურ დანაშაულზე.
1. თითოეულ შემთხვევაზე (ოპერაცაზე) per case თანხის გადახდა კონტროლის მექანიზმის გარეშე არის ჯანდაცვის სისტემისთვის დამღუპველი.
წარმოიდგინეთ პატრულ-ინსპექტორს თითოეულ ჯარიმაზე ბონუსი გადაუხადოთ (ხვდებით, რამდენ ჯარიმას ამოწერს არა?) ასე არიან კლინიკებიც.
შესაბამისად, სამედიცინო “ბიზნესი” ამ ქვეყანაში არის სარფიანი.
მედიცინა არც ერთ განვითარებულ ქვეყანაში არ არის მომგებიანი.
იცით გერმანიაში რამდენი პროცენტი უკავია კერძო სექტორს? 30-35% და მათი უმრავლესობა აბულატორიული კლინიკებია. საქართვე;ლოში 90%.
გუშინ ვისაც “ზაბეგალოვკა” ქონდა – დღეს კლინიკები აქვთ და დღეს თქვენ ელოდებით რომ ვინმე დაგინდობთ?
მედიცინა ევროპაში არ არის მომგებიანი და მუდმივად სახელმწიფოსგან დოტაციას საჭიროებს, ადამიანის სიცოცხლეზე დანაზოგი არ კეთდება, შესაბამისად მოგება 2,5-5%-მდეა.
იცით საქართველოში კლინიკები შუნტირების ოპერაციაზე რა მოგებას აკეთებენ? მინიმუმ 45-50%! და რის ხარჯზე იცით? ხარისხის და თქვენი უსაფრთხოების ხარჯზე!!!
2. კლინიკები მონდომებული არიან ბევრი პაციენტი გაატარონ, კორონაროგრაფია ჩაუტარონ და მიზეზი მოუძებნონ… რომ დასტენტონ არა ( ეს ყველაზე “უსუსური” კრიმინალია) დაშუნტონ( 10-ჯერ მეტ ფულს წერს!!!)
ახლა აგიხსნით რა სხვაობაა ამათ შორის:
სტენტირება 20-30 წთ გრძელდება და სისხლძარღვში მეტალის ბადის ჩადგმას გულისხმობს, რაც შევიწოებულ ადგილს აფართოებს.
შუნტირება ნიშნავს 4-5 საათიან ოპერაციას, გაჭრითაა… სისხლიანია… ნარკოზით… და შესაბამისად მაღალ რისკებით!!!!
ჩვენებები ორივესთვის მკაცრად გაწერილია, რომელიც საქართველოში, როგორც წესი, უგულველყოფილია.
საქართველო პირველ ადგილზეა ევროპაში სტენტირებებით და შუნტირებებით! ხარისხით არა, რაოდენობით!ავადმყოფი ერი ვართ? არა, მაშინ რა ხდება? ჰო, ეგ უნდა გვაიტერესებდეს ნამდვილად!
და მივედით უკვე ახსნამდე სინდის-ნამუსამდე,
რატომ არ ჭირდებათ ღისეული ექიმი და ჭირდებათ “ცეხავიკი” რომელიც ნებისმიერ დაკვეთას შეასრულებს?
საქართველოში რამდენიმე ცნობილი კარდიოქირურგია, რომელიც თავის ღირსებას არ შელახავს.
კიდევ ერთხელ:
1. პირველ 24 საათში გულის ოპერაცია ჭირდება მხოლოდ ყოველ მე-10 პაციენტს!!!!
2. გულის ოპერაციების 90% არის დაგეგმვადი!!!
3. ყოველთვის გაქვთ მეორე კარდიოქირურგის აზრის მოძიების დრო.
4. მოიკითხეთ სად ისწავლა ქირურგმა კარდიოქირურგია.
გამძლეობას და ჯანმრთელობას გისურვებთ 
“
“
