ქუთაისში კოვიდ19 ააიპ „ქუთგანათების სერვისი”-ს თანამშრომელს დაუდასტურა. ინფიცირებული ქუთაისის ინფექციურ საავადმყოფოში დღეს დილით შეიყვანეს. ახლა სამსახურში ეპიდკვლევა და სადეზინფექციო სამუშაოები მიმდინარეობს.
როგორც ქუთგანათებაში “მეგა ტვ”-ს განუცხადეს კორონავირუსი აიტის თანამშრომელს დაუდასტურდა. ის ახალგაზრდა მამაკაცია:
“2 დღეს სამსახურში არ ყოფილა და საავადმყოფოშია გადაყვანილი. სამსახურში ვისთანაც ჰქონდა კონტაქტი ყველანი თვითიზოლაციაში არიან გადაყვანილი.ასეთი 5 ადამიანია. დაინფიცირების წყარო ჩვენთვის უცნობია” – განაცხადა მალხაზ ბასილაძემ “მეგა ტვ”-სთან საუბრისას.
ქუთაისში დღეს კოვიდ19-ის 23 ახალი შემთხვევა დაფიქსირდა. ცოტა ხნის წინ ცნობილი გახდა რომ კორონავირუსი 32-ე საჯარო სკოლის 21 თანამშრომელია ინფიცირებული.
