თამბაქოს მოწევა ადამიანის ორგანიზმის თითქმის ყველა ორგანოს აზიანებს. განსაკუთრებით კი ფილტვებს. მათი მოცულობა და ელასტიკურობა იკლებს და ონკოლოგიის რისკი მნიშვნელოვნად იზრდება. ნიკოტინი არის შხამი, რომელიც ბრონქული ეპითელიუმის გაღიზიანებას იწვევს. ასევე, სასუნთქი გზების, კუჭისა და საყლაპავის ლორწოვანი გარსის ანთებას. სისხლის შემადგენლობა უარესდება და იმუნიტეტიც ქვეითდება.
ამას გარდა, მწეველი ზიანს აყენებს გარშემომყოფებსაც. ყველა, ვინც ეწევა, ამ მოთხოვნილების მძევალი ხდება. სიგარეტისთვის თავის დანებების სურვილი ბევრს აქვს, მაგრამ ნებისყოფა – ცოტას. ის, რასაც ნარკომანიის მკურნალობისას „ლომკას“ უწოდებენ, მსუბუქი დოზით მწეველებშიც გვხვდება, რაც ნიკოტინზე დამოკიდებულებაში და მოწევის დაუძლეველ მოთხოვნილებაში გამოიხატება. ყველაზე დიდი დაბრკოლება ნებისყოფის ნაკლებობაა.
არსებობს რამდენიმე ფიზიკური აქტივობა/სუნთქვითი ვარჯიშები , რომელიც მავნე ჩვევის დაძლევაში დაგეხმარებათ!
ვარჯიში 1
როცა იგრძნობთ მოწევის ძლიერ სურვილს, გადით სუფთა ჰაერზე. დადექით გამართულად, მოდუნდით. ღრმად ჩაისუნთქეთ და გააჩერეთ სუნთქვა 2-5 წამი. შემდეგ ნელა ამოისუნთქეთ. ამოსუნთქვის ბოლოს შეაჩერეთ იგივე დროით სუნთქვა. გაიმეორეთ ეს ვარჯიში 10-ჯერ. ტვინი გაჯერდება ჟანგბადით და მსუბუქ თავბრუსხვევას იგრძნობთ. შედეგად, დიდი ხანი აღარ მოგინდებათ მოწევა.
ვარჯიში 2
ნელა ჩაისუნთქეთ ცხვირით და ბევრად სწრაფად ამოისუნთქეთ პირით. შეასრულეთ ეს ვარჯიში 30-ჯერ ისე, რომ ნელ-ნელა გაზარდოთ ტემპი. ეს იქნება ერთი ციკლი. მეტი ეფექტურობისთვის კარგი იქნება ამ ვარჯიშის 5-6 ციკლად შესრულება, 1-წუთიანი შესვენებებით. შეასრულეთ ვარჯიში ყოველ ჯერზე მაშინ, როცა მოწევა მოგინდებათ. ფილტვები საკმარისი რაოდენობის ჟანგბადს იღებს, მკერდში აღდგება სწორი ინერცია, ხოლო სასუნთქი ორგანოები მსუბუქ, მაგრამ სისტემატურ მასაჟს გადის დიაფრაგმის ძლიერი და რიტმული მოძრაობის წყალობით.
შეასრულეთ ეს მოძრაობები ყოველ ჯერზე მაშინ, როცა მოწევა მოგინდებათ. ასე არა მხოლოდ გადააგდებთ მავნე ჩვევას, არამედ გაავარჯიშებთ სასუნთქ ორგანოებს და გაისუფთავებთ ფილტვებს.
