ქუთაისის მერიამ ადმინისტრაციული ეთეულებისა და საპირფარეშოების საპროექტო-სახარჯთაღრიცხვო დოკუმენტაციის შედგენის სახელმწიფო ტენდერი გაყო და ცალ-ცალკე გამოაცხადა, აქვე ახალ ტენდერში დავით აღმაშენებლის მოედანზე არსებული შადრევანის რეაბილიტაციის ტენდერი, რომელიც არ შედგა საპირფარეშოების ტენდერშია შეტანილი.
ტენდერების მიხედვით ქალაქ ქუთაისში, ნიკეას, მუხნარის, ძელქვიანის, უქიმერიონი, ავტოქარხნის, ვაკისუბნის და საფიჩხიის ადმინისტრაციული ერთეულების შენობის ნაწილობრივი რეაბილიტაციისთვის საჭირო საპროექტო-სახარჯთაღრიცხვო დოკუმენტაციის შედგენის სახელმწიფო შესყიდვის ტენდერისთვის (NAT190022158) მერიამ 3`000.00 ლარი გამოყო.
ქალაქ ქუთაისში, ცენტრალურ ბულვარში არსებული საპირფარეშოს, წითელ ხიდთან არსებული საპირფარეშოს რეკონსტრუქცია-რეაბილიტაციისთვის და დავით აღმაშენებლის მოედანზე არსებული შადრევანის რეაბილიტაციისთვის საჭირო საპროექტო-სახარჯთაღრიცხვო დოკუმენტაციის შედგენის სახელმწიფო შესყიდვის ტენდერისთვის (NAT190022160) 15`000.00 ლარი გამოყო.
ტენდერები 22 ნოემბერს გამოცხადა და წინადადებების მიღება 4 დეკემბერს დასრულდება. წინა ტენდერში კი, რომელშიც საპირფარეშოები და ადმინისტრაციული ერთეულები ერთად იყო გამოტანილი ცვლილებაა შეტანილი. მასში ვკითხულობთ რომ ტენდერი ქ. ქუთაისში, სინაურის ქ. #40-ში მდებარე ანდრია სინაურის სახელობის ლიტერატურული სახლის ეზოს შემოღობვის სამუშაოებისთვის არის გამოცხადებული. 6 946 ლარიანი ტედერი უკვე შემდგარია და ხელშეკრულება გოგიტა ჩანქსელიანის გაუფორმდა. (NAT190020622)
