რეჟისორისა და მწერლის, რეზო გაბრიაძის მოთხრობების მიხედვით გადაღებული მულტფილმი „იცი დედა სად ვიყავი?“ საუკეთესო სრულმეტრაჟიანი მულტფილმების კატეგორიაში „ოსკარის“ ნომინანტებს შორის მოხვდა.
ამ კატეგორიაში სულ 32 სრულმეტრაჟიანი მულტფილმია. ის თუ რომელი მათგანი გადავა მოკლე სიაში, ე.წ. შორტლისტში 2020 წლის 13 იანვარს გახდება ცნობილი. თავად „ოსკარის“ დაჯილდოების ცერემონია 2020 წლის 9 თებერვალს გაიმართება.
ანიმაციური მულტფილმი „იცი დედა სად ვიყავი?“ 2018 წელს მხატვრის, რეჟისორისა და მწერლის, რეზო გაბრიაძის მოთხრობების მიხედვით შეიქმნა. რეჟისორი რეზო გაბრიაძის შვილი ლევან გაბრიაძეა. პროდიუსირება კი თემურ ბექმამბეტოვის სტუდიამ Bazelevs-მა გასწია.
მულტფილმის მთავარი გმირი ხვდება ლენინს, მენდელეევს და სტალინს, ასევე ამარცხებს ჰიტლერს.
რეზო გაბრიაძე ფილმების „მიმინო“ და „ქინ-ძა-ძა!“-ს სცენარისტია. მან ასევე 1981 წელს თბილისში მარიონეტების თეატრი დააარსა.
