ბიძინა ივანიშვილის განცხადებას სოციალურ ქსელში საქართველოს გმირების ახლობლები გამოეხმაურნენ:
ნუ რა გამოვიდა? ჩემი მეუღლე ტყუილად შეეწირა ქვეყნის თავისუფლებას? აგრესორი ქვეყანა ვართ? და აგრესორების ომში იბრძოდა? რა ვუთხრა მის სულს? რით იამაყონ ჩვენმა შვილებმა? რომ ჩამოდგებით ხოლმე ხელისუფლების წარმომადგენლები და პოზირებთ ემზარ წილოსანის საფლავთან ვინ იყო ემზარი? შეგიძლიათ მიპასუხოთ?
ვის მოუხადონ ბოდიში ჩემმა შვილებმა? რუსებს? ოსებს? თუ ვის მითხარით ხელისუფლებავ!!!
ან გორელებო, თქვენ ხომ ყველაზე კარგად იცით ვინ დაიწყო ომი? რატომ გაუტარეთ ასეთი მოღალატეობრივი მიმართვა ივანიშვილს? თან დაგვცინა, სპეციალურად გორისთვის შემონახული მიმართვააო…
ვის მოვუხადოთ ბოდიში შინდისის ბრძოლის გმირების ოჯახებმა?
აგვიხსენით! – წერს საკუთარ Facebook გვერდზე შინდისის გმირის, ემზარ წილოსანის ცოლი, თეო წილოსანი.
სოფიო არასდროს მოიხდის ბოდიშს იმის გამო, რომ მას 2 წლის ასაკში მამა, რომელიც სამშობლოს იცავდა, მოუკლეს… -წერს ნინო ფსუტური, მიხეილ ცერცვაძის ცოლი
“ბოდიში ჩვენს გმირებს, არ ვიმსახურებდით თქვენს თავგანწირვას – ნამდვილად არ ვიმსახურებდით…” -წერს დავით ელიზბარაშვილის შილი
“ბოდიში ბიჭებო, რომ დღეს საფლავებში მშვიდად ვერ განისვენებთ”,-წერს მარი სამუშია, თამაზ ნიკიტინის ცოლი
ბოდიში გიორგი- წერს გიორგი ანწუხელიძის ცოლი
“ბოდიში შმაგი ბოდიში დღევანდელი საქართველოსათვის…
ალბათ არ ღირდა…
2008 წლის აგვისტოს რუსეთ-საქართველოს ომში გმირულად თავშეწირული ვახტანგ გორგასლის I ხარისხის ორდენოსანი შმაგი სოფრომაძე…
გული მტკივა შენი დაუფასებელი თავგანწირვის გამო…
ბ ო დ ი შ ი შ ე ნ !!!!”
“ბ ო დ ი შ ი ჩემს ოჯახს, ბაბოს და პაპას, ნახევარი ცხოვრება რომ ომში გაატარეს საკუთარ მიწაწყალზე…
ბ ო დ ი შ ი რომ ვერ შევძელით დაგვეცვა ჩვენი სახლი, სოფელი… ხომ გახსოვთ შმაგი დაგპირდათ, მე ამ სოფლოსთვის საკუთარ სისხლს დავღვრიო…
დაღვარა პაპა… თუმცა დღეს ეს ქვეყანა მაინც მტერს უხდის ბოდიშებს, ჩვენს გმირებს მშვიდი ძილისგან გამოუფხიზლებიათ…
ბ ო დ ი შ ი რომ გაგიმწარდათ სიბერე ჩვენი “დების” და “ძმების” გამო…
როგორ გავუძლო?!” – წერს თეა ტაბატაძე, შმაგი სოფრომაძის ცოლი .
