ზესტაფონში, სავარაუდოდ, ბუნებრივი აირის გაჟონვის შედეგად, დედა და ორი შვილი გარდაიცვალა. ბავშვები ასაკი 2 და 4 წელ იყო.
გარდაცვლილი 25 წლის მირანდა სხილაძე ზესტაფონის მუნიციპალიტეტის სოფელ ილემიდან იყო და ზესტაფონში ბიბილაშვილის ქუჩაზე ქირით ცხოვრობდა.
მეზობლები ტრაგედიის ერთ-ერთ ვერსიად წყლის გამათბობლიდან ბუნებრივი აირის გაჟონვას ასახელებენ.
მათი თქმით, ახალგაზრდა ქალი მშობლების სახლიდან ქალაქში საცხოვრებლად 2 კვირის წინ გადმოვიდა. მათივე თქმით 25 წლის ქალი მეუღლესთან გაშორებული იყო და მცირეწლოვან შვილებთან ერთად მარტო ცხოვრობდა.
როგორც მეზობლები აბობენ გოგონას მშობლები მთელი დღის განმავლობაში ურეკავდნენ. მას შემდეგ კი რაც ის არ გამოჩნდა მისმა სიძემ სახლში შესვლა ფანჯრიდან მოახერხა და ოთახში გარდაცვლილი გოგონა და ორი ბავშვი იპოვა. “სამივე, დედაც და შვილებიც სავარძელში გარდაცვლილი ნახეს. როგორც ჩანს, საღამოს ტელევიზორს უყურებდნენ” – ამბობს გარდაცვლილი გოგონას ნათესავი.
არსებული ინფორმაციით, შემთხვევა გვიან ღამით მოხდა და ახლობლებმა დაღუპულები დღეს აღმოაჩინეს. შინაგან საქმეთა სამინისტროს ინფორმაციით, გამოძიება სსკ-ს 240 პრიმა მუხლით დაიწყო, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს, რასაც ორი ან მეტი ადამიანის სიცოცხლის მოსპობა მოჰყვა.
