,,ჩვენს ქალაქში სამი ხიდის გარდა( ჯაჭვის,წითელი და თეთრი) ყველა ხიდი
პროფესიით ხიდებისა და
გვირაბების მშენებელის ბატონ ჯემალ წულაძის აგებულია.
ახალგაზრდულ წლებში წარმატებით თამაშობდა რუსთავის “მეტალურგისა” და ქუთაისის “ტორპედოში”.
….
ეს ფოტო კი 10 წლის წინ არქიტექტორ გივი თოდაძის საღამოზე გადავუღე.
არქივში დღემდე ვინახავდი.
მასთან დაკავშირებით
მხოლოდ ერთ ისტორიას
გავიხსენებ,
რომელიც რუსთაველის ხიდის მშენებლიბას უკავშირდება.
გადაწყდა დასავლეთ საქართველოში ძლიერი ხიდის აგება,რომელიც საგანგებო სიტუაციაში დასავლეთიდან აღმოსავლეთში მძიმე სამხედრო ტექნიკის გატარებას შეძლებდა.
დაიწყო რუსთაველის ხიდის მშენებლობა.
არიტექტორი გივი თოდაძე,რომელმაც ხიდის დასაწყისი და დაბოლოება თოლიას გამოსახულებით დაამშვენა,ხოლო
მშენებელი თავად ბატონი ჯემალი.
დასრულდა ხიდის მშენებლობა და გამოცდის დღეც დადგა.
ტრადიციისამებრ,
ხიდის მშენებლები: ჯემალ წულაძე,
ოთარ ჩიხლაძე და გივი თოდაძე ხიდის ქვემოთ დააყენეს.
40 წუთის მანძილზე ხიდზე,
ბრუნებით და შეყოვნებით გადაიარა მძიმე წონიანმა სატვირთო მანქანებმა,
ტანკებმა და ბოლოს ჯარმა.
ხიდი მტკიცე აღმოჩნდა გამოცდას გაუძლო და სამეულიც ხიდზე მშვიდობით ამოვიდა.
წლების მანძილზე ქალაქის კეთილმოწყობის სამსახურს,რომ ხელმძღვანელობდა
მისი სამუშაო დღე კაბინეტიდან არასდროს დაწყებულა.
დილაადრიან ჯერ ქალაქის ქუჩებს შემოივლიდა და
შემდეგ მითითებებს გასცემდა.
ბოლოს, უძლურებაში მყოფს შვილისათვის უთხოვია, ქალაქის ქუჩები შემომატარეო…
ქუთაისს, 85 წლის ასაკში დიდი კაცი მოაკლდა –
ჯემალ წულაძე,
წესიერი და პირნათელი კაცი, ხალხისა და ქვეყნის წინაშე.
…
ბევრი სიკეთე მახსოვს თქვენგან.
ვწუხვარ.
უფალი შეგეწიოთ მარადიულ სამყოფელში.
შეხვედრამდე…” – წერს სოციალურ ქსელში ლელა ცეცაძე.
