რადიო თავისუფლების ცნობით, ციმბირში , ქალაქ კოლცოვოში მდებარე ვირუსოლოგიისა და ბიოტექნოლოგიის სახელმწიფო სამეცნიერო-კვლევით ლაბორატორიაში, “ვექტორი”, სადაც განსაკუთრებით საშიშ ინფექციათა შტამები ( ყვავილი, ციმბირის წყლული, ებოლა და სხვ. ) ინახება , ექვსსართულიანი შენობის მეხუთე სართულზე, აფეთქდა გაზის ბალონი, რის შედეგადაც ხანძარი გაჩნდა .
ქალაქის მერის , თავად ლაბორატორიის განცხადების განცხადებით, სანიტარული ინსპექციის ოთახში, სადაც აფეთქება მოხდა, არ ინახებოდა და არ იწარმოებოდა მუშაობა საშიშ შტამებზე; იქ მიმდინარეობდა სარემონტო სამუშაოები და აფეთქების შედეგად ხანძარი გაჩნდა მხოლოდ 30 კვ.მ. ფართობზე. დაზიანდა ერთი ადამიანი, რომელიც მოთავსებულია კლინიკაში მესამე ხარისხის დამწვრობით.
თუმცა გავრცელდა ინფორმაცია, რომ აფეთქების შედეგად შენობაში ყველა შუშა ჩაიმსხვრა.
ლაბორატორია “ვექტორი” ერთ ერთია ორ ლაბორატორიას შორის, სადაც ყვავილის ვირუსი ინახება. მეორე – ატლანტაშია, აშშ-ში.
ასევე, გავრცელებული ცნობით 1970-1980 წლებში ამ ლაბორატორიაში იქმნებოდა ბაქტერიოლოგიური იარაღი და მისგან თავდაცვის საშუალებები.
ქართველი პროფესორი ჯანა ჯავახიშვილი წერს: ,, ამ ბოლო დროს ბუმერანგივით უბრუნდებათ, რაც ჭირი და უბედურება სხვისთვის უნდათ. ჯერ იყო ბირთვული რაკეტის, ახლა ამ ვირუსებიანი ლაბორატორიის აფეთქება. თუ დაიწყო მაგათთან ეპიდემია, აქაც შემოიტანენ, იმდენად შემოსეულები არიან გინდა ტურისტულ და გინდა ოკუპაციის ამბავში. მოკლედ, შარია რა ეს თავის თავის უბედური ქვეყანა, რომელიც სხვების გაუბედურებით ფიქრობს, რომ თავის პრობლემებს გადაჭრის და უკეთ გახდება. თუ არ შეცვალეს ეს ავთვისებიანი მსოფლმხედველობა და პოლიტიკა, არ უშველის მაგათ ვერტმფრენებიდან ნაკურთხი წყლის პკურება. “-წერს პროფესორი ჯანა ჯავახიშვილი
