“ამ პირობებით როგორ წარმოგიდგენიათ გადასახადების გადახდა” – კაფე “სალვეს” მფლობელი აკო ანდღულაძე სოციალურ ქსელში სარესტორნო ბისნესში შექმნილ სერიოზულ პრობლემებზე წერს და ამბობს რომ, ქვეყნაში არსებული პირობებით მუშაობა შეუძლებელი იქნება და კომპანიებს კრედიტების აღება მოუწევთ ან საერთოდ გაკოტრდებიან:
“მეგობრებო! მეგობრების მეგობრებო! ჟურნალისტებო! ადამიანებო ვინც კითხულობთ ამ პოსტს.
მე, როგორც ბიზნეს ოპერატორი ვიხდი შემდეგი ტიპის გადასახადებს: საშემოსავლოს გადასახადი, მოგების გადასახადი, დამატებითი ღირებულების გადასახადი, ქონების გადასახადი, საპენსიო ფონდის გადასახადი. გარდა ამისა, ვიხდი კომუნალურ გადასახადებს, რომელიც აწ უკვე ფაქტობრივად გაორმაგებული ტარიფით მომიწევს გადახდა. რესტორნის იჯარის გადასახადი! ტერასის იჯარის გადასახადი! ასევე, რესტორანს აქვს ყოველდღიური ხარჯები: თანამშრომლების ხელფასები, სადისტრიბუციო ხარჯები, პროდუქცია ბაზრიდან და სხვადასხვა სუპერ მარკეტებიდან, რომელზეც ასევე გაზრდილია ფასები. (გაზრდილი ფასები იწვევს ან პროდუქციაზე ხარისხის დაგდებას ან ფასების გაზრდას. ფასების გაზრდა საერთოდ მოსპობს ადგილობრივ მომხმარებელს ხოლო, ხარისხის დაგდება არსებული მომხმარებლების დაკარგვას ნიშნავს.)1. ქვეყანაში სადაც ამ ეტაპისთვის განულებულია ტურიზმი!2. მოქმედებს კომენდანტის საათი რაც იმას ნიშნავს, რომ რესტორანი საღამოს 8 საათზე უკვე უნდა დაიკეტოს!3. გარდა ამისა, რესტორნებმა არ უნდა იმუშაოს შაბათს და კვირას!4. თებერვლის თვეში (თბილისურ ყინვაში) უნდა იმუშაოს მხოლოდ ღია სივრცემ!მაინტერესებს, როგორ წარმოგიდგენიათ პირველ აბზაცში ჩამოთვლილი გადასახადების გადახდა, მეორე აბზაცში ჩამოთვლილი პირობებით? აი, ხომ ხედავთ საერთოდ არ ვსაუბრობ ჩემს ინტერესებზე. ვსაუბრობ იმაზე, რომ ელემენტარულად რესტორანმა შეძლოს ფუნქციონირება!ამისთვის საჭიროა:1. კომენდანტის საათის მოხსნა!2. შაბათს და კვირას თავისუფლად მუშაობა!3. ტურიზმი!თუ ეს ასე არ იქნება, შედეგი:1. დამატებითი კრედიტების აღება ბიზნეს ოპერატორებისთვის!2. კომპანიის გაკოტრება!
ყველას გისურვებთ წარმატებებს!
ა.ა.” – წერს კაფე “სალვეს” მფლობელი აკო ანდღულაძე სოციალურ ქსელში.
