თელავში ავტოსაგზაო შემთხვევის შედეგად, ორი მამაკაცი დაიღუპა, ერთი კი დაშავდა. შემთხვევა გვიან ღამით მოხდა. თელავი -ყვარლის დამაკავშირებელ გზაზე მოძრავი მსუბუქი მანქანის მძღოლმა საჭე ვერ დაიმორჩილა და საპირისპიროდ მოძრავ სატვირთოს შეეჯახა.
შედეგად, ადგილზე გარდაიცვალა მსუბუქ მანქანაში მყოფი ორი მგზავრი, მძღოლი კი მძიმედ დაშავდა. 45 წლამდე მამაკაცი თელავის რეფერალურ საავადმყოფოში რეანიმაციულ განყოფილებაშია მოთავსებული.
ექიმის თქმით, მისი ჯანმრთელობის მდგომარეობა მძიმეა და უტარდება შესაბამისი მკურნალობა. გამოძიება 276 მუხლით მიმდინარეობს.
