მეუფე იაკობს უჭირს დაჯერება, რომ ევროსასამართლომ მამა გიორგის სარჩელი დააკმაყოფილა. ტვ პირველთან განაცხადა:
„უნდა ყველაფერში ყველას ვეთანხმებოდე? მე მასე მიცნობთ?“
მე გითხარით, რომ მაგას არ მიიღებდა სამართლიანი სასამართლო? არასწორ ინტერპრეტაციას იძლევით.
არ წერია ეგრე, გაეცანით გადაწყვეტილებას?
რაც მე ვიცი და რასაც გავეცანი, გითხარით. თუ ცხოვრების ამ ნაწილში თქვენი ახსნა მჭირდება რაღაცის გაცნობაში? რატომ გგონიათ მასე?
მე იმაში ვენდობი, რომ სამართლიანი სასამართლო ჩაუტარდა, მაგრამ იმასაც გეტყვით, არავის ციხეში ყოფნა არ მინდა და რომ გამოუშვან კარგი იქნება.”
სტრასბურგის სასამართლოში მამალაძე დავობდა ადამიანის უფლებათა ევროპული კონვენციის მე-6 მუხლის (საქმის სამართლიანი განხილვის უფლება) პირველი და მე-2 პუნქტის საფუძველზე.
კერძოდ, სტრასბურგის სასამართლოს გადაწყვეტილებით, ადგილი არ ჰქონია კონვენციის მე-6 მუხლის პირველი პუნქტის დარღვევას იმ მხრივ, თუ როგორ იქნა მოპოვებული და გამოყენებული მტკიცებულებები განმცხადებლის წინააღმდეგ, თუმცა ადგილი ჰქონდა კონვენციის მე-6 მუხლის პირველი პუნქტის დარღვევას სისხლის სამართლის პროცესის დახურულ რეჟიმში ჩატარების გამო.
სტრასბურგის სასამართლოს თანახმად, ადგილი ჰქონდა მამალაძის უდანაშაულობის პრეზუმფციის დარღვევას (მე-6 მუხლის მეორე პუნქტი) საჯარო მოხელეებისა და პროკურატურის მიერ საჯარო განცხადებების კომბინაციით, საქმის მასალების მედიაში გავრცელებით და არათანაბარი აღსრულებით, რაც მთავარ მოწმეს საჯარო ბრალდებების წაყენების საშუალებას აძლევდა.
სტრასბურგის სასამართლოს გადაწყვეტილებით სახელმწიფომ გიორგი მამალაძეს სამი თვის განმავლობაში უნდა გადაუხადოს 9 418 ლარი დანახარჯებისთვის
