ქირურგი, რომელიც მეზობლის მიერ სანადირო თოფით დაჭრილი ახალგაზრდის სიცოცხლის გადარჩენას ცდილობდა, პროფესიული მოვალეობის შესრულებისას დაიღუპა.
როგორც ცნობილია, როსტომ შველიძე დაჭრილი ახალგაზრდის სიცოცხლისთვის 8 საათის განმავლობაში იბრძოდა.
“ეს არის კაცი, რომელიც 8 საათი იდგა ოპერაციაზე, ოპერაციის მიმდინარეობისას თავად გახდა ცუდად მაგრამ ვერ შეწყვიტა ბრძოლა ახალგაზრდა სიცოცხლის გადასარჩენად.
ბატონი როსტომ შველიძე პროფესიული მოვალეობის შესრულებისას გარდაიცვალა,ღრმა მწუხარებას გამოვთქვამთ და ვუსამძიმრებთ გარდაცვლილის ოჯახის წევრებს.”
ცნობისთვის, ზესტაფონის სოფელ წიფლვაკეში მეზობელმა მეზობელი სანადირო თოფით მოკლა.არსებული ინფორმაციით, დაჭრას წინ ურთიერთშელაპარაკება უძღოდა. დაჭრილი მამაკაცი საავადმყოფოში გადაიყვანეს, მაგრამ მისი გადარჩენა ვერ მოხერხდა.შინაგან საქმეთა სამინისტროს ინფორმაციით, პოლიციამ ზესტაფონში მომხდარი მკვლელობა ცხელ კვალზე გახსნა. დაკავებულია 1 პირი.
