14 აპრილის შეჯამება:
– მთავარი საბრძოლო მოქმედებები კვლავ ხარკივისა და დონეცკის რაიონის საზღრებთან, ქალაქ იზუმთან ახლოს მიმდინარეობს. ბოლო 24 საათში რუსებმა კიდევ ორჯერ სცადეს შეტევის წარმოება და უკრაინელების მიერ დაცული პოზიციების გარღვევა. ამჯერად რუსები იმავე ტაქტიკით მოქმედებებენ, რა ტაქტიკითაც კიევის მიმართულებით ახორციელებდნენ შეტევას, სახელდობრ კი იყენებენ ტანკებს და მიიწევენ მცირე ჯგუფებად. გარდა იმისა, რომ ნაწვიმარსა და ატალახებულ რელიეფში რუსებს ტანკები ეფლობათ, ამასთან უკრაინული ანტისატანკო სისტემები ეფექტურად ართმევენ თავს რუსულ იერიშებს. რუსებმა ერთსა და იმავე პოზიციას უკვე 10-ჯერ შეუტიეს, თუმცა 10-ჯერვე უკან მოუხდათ დახევა.
– იზუმთან რუსების პოზიციები არტილერიითაც დაიბომბა. რუსები რამდენიმე მიმართულებით გადასასვლელ ხელოვნურ ხიდებსაც ქმნიდნენ და ლოჯისტიკურ არტერიებს ამაგრებდნენ, თუმცა უკრაინული არტილერიის მასობრივმა გამოყენებამ რუსული საცეცხლე პოზიციებისა და ლოჯისტიკური არტერიების განადგურება გამოიწყვია.
– დონბასსა და ლუგანსკში ისევე როგორც უკრაინის საზღვრის გასწვრივ რუსული გადაჯგუფება გრძელდება. ტექნიკის დანაკარგების შევსება მიმდინარეობს, თუმცა რუსების დიდი პრობლემა არამხოლოდ ახალი ტექნიკის არქონაა, არამედ გამოცდილების ნაკლებობაცაა. რუსებმა გამოცდილ სამხედროთა დიდი უმრავლესობა პირველივე დღეებში დაკარგეს, ხოლო მეორე პრობლემა ჯარში მათთის ომის მოულოდნელი სცენარით წარმართვის შმედეგ გავრცელებული PTSD-ია, რაც პოსტ-ტრამვულ სტრესულ აშლილობას ნიშნავს. რუსებს იმდენად დიდი შოკი ჰქონდათ უკრაინული მასშტაბური წინააღმდეგობის, ჩასაფრებებისა და ანტისატანკო იარაღის გამოყენების ფონზე, რომ უკრაინელთა ცნობით ბევრი მათგანი უარს აცხადებს უკან საომარ მოქმედებაში დაბრუნებაზე. ახალ რუსულ ძალებს საბრძოლო გამოცდილების დეფიციტი აქვთ, შესაბამისად საეჭვოა ადვილი გარდატეხა მოახდინონ, თუნდაც დონბასში. მიუხედავად ყველაფრისა, უკრიანელები აქტიურად ემზადებიან თავდაცვისათვის.
– უკრაინელებმა ბოლო დღეებში განაახლეს რუსული პოზიციების ინტესნსიური დაბომბვა მელიტოპოლის მიმართულებით. ქალაქი სამხრეთში ერთგვარი კვანძია. მელიტოპოლიდან გზა როგორც მარიუპოლში, ისე ხერსონსა და ზაპოროჟიეში მიდის. უკრაინელთა ცნობით დიდი რაოდენობით რუსული და ჩრდილოკავკასიური დანაყოფები იქნა განადგურებული საარტილერიო ცეცხლის გამოყენებით.
– მარიუპოლის მცველების დღევანდელი მიმართვის შემდეგ ირკვევა, რომ ქალაქის მნიშვნელოვან ნაწილს კვლავ უკრაინელები აკონტროლებენ. ამჯერადაც მათ ხაზი გაუსვეს რომ ისინი მარიუპოლის დებლოკირებისათვის ელოდებიან უკრაინელთა შეტევას და არ აპირებენ დანებებას. როგორც ჩანს უკრაინა არცერთ შემთვევაში არ გეგმავს მარიუპოლის დათმობას, თუნდაც დროებით. შესაბამისად, აუცილებლად იქნება მასშტაბური იერიში. თუმცა ამ შესაძლო იერიშს მხოლოდ რუსული განახლებული სრულმასშტაბიანი და მრავალმიმართულებიანი შეტევის მოეგერიების შემდეგ უნდა ველოდოთ.
– რუსები არ წყვეტენ ქალაქი ხარკივის დაბომბვას. არადა უკრაინელები ხარკივის ირგვლივ არათუ დიდ ტერიტორიას აკონტროლებენ, არამედ ზოგიერთ არეალში რუსეთ-უკრაინის საზღვარზეც გავიდნენ. ფაქტია, რომ აგრესორები რუსეთის ტერიტორიიდანაც ბომბავენ ქალაქს. უკრაინელთა მხრიდან ხარკვის შემოგარენის გათავისუფლება გრძელდება. ამ პროცესში რუსები იმასაც წუწუნებენ, რომ პერიოდულად უკრაინელები რუსეთის ფედერაციის შიგნითაც აწარმოებენ თავდასხმებს საზღვრებთან ახლოსო. რა თქმა უნდა, რუსეთის მიერ ხარკივზე ლაშქრობა ამ ეტაპზე გამორიცხულია, მაგრამ ისინი ცდილობენ საარტილერიო ცეცხლით უკრაინელები აიძულონ კვლავ ამ მიმართულებაზე დარჩნენ მობილიზებულები და რომ ვერ შეძლოს განოყენება თავიანთი გამოცდილების სხვა მიმართულებით.
– პენტანგონში აცხადებენ, რომ ომში რუსეთის ახალი სარდალი გენერალი ალექსანდ დვორნიკოვი ბევრს ვერაფერს შეცვლის, რადგან ქაოსი, რომელშიც რუსეთი გაეხვია ომის პირობებში დალაგებადი არ არის.
გიორგი კობერიძე
