,,გუშინ ასეთი რამ მოხდა ვეტერინარულ კლინიკაში: შემოვიდა რუსი გოგო (დაახლოებით 20 წლის) მობილურით ხელში და იკითხა ვინმე თუ საუბრობდა რუსულად. გამოვიდა რუსულად მოსაუბრე თანამშორმელი, რომელსაც გოგონამ მობილურში ლეკვი აჩვენა და დაიწყო ახსნა, რომ ქუჩაში იპოვა და ძალიან ცუდად იყო იმიტომ, რომ ნაწლავები “უკნიდან” ჰქონდა გადმოსული. ამ დროს დაუძახეს ვეტერინარს და ანახეს ფოტო, ვეტერინარმა უთხარა, მოიყვანეთ და დავეხმარებითო.
გოგონამ იკითხა, თანხა რამდენი იქნება გადასახდელიო? ვეტერინარმა, შენ უბრალოდ მოიყვანე და არაფერი იქნება საჭიროო.
მაშინვე გაიქცა, ეტყობოდა, რომ ძალიან გაუხარდა, და დაახლობით ნახევარ საათში მოვიდა (სუნთქვის სიხშირეზე ეტყობოდა, რომ ირბინა) და ლეკვიც მოიყვანა. ლეკვი მართლა ცუდად იყო, ამავე დროს ძალიან ჭუჭყიანიც, მაგრამ ეს გოგო ისე ეხუტებოდა და ისე უხაროდა რომ ეხმარებოდა, მგონი, ამ ყველაფერს ლეკვიც გრძნობდა და ამის გამო მშვიდად იყო.
სანამ ველოდებოდი, ვკითხე სად იპოვა ლეკვი. ამიხსნა, რომ მოსკოვის პროსპქეტზე ნახა (კლინიკა ვარკეთილის მეტროსტან არის) და ასე ქუჩაში ვერ დატოვებდა, რადგან ძალინ ცოდო იყო.
ცოტა ხანში დაუძახა ვეტექიმმა და ძაღლიც შეიყვანეს.
მერე რა მოხდა, არ ვიცი. ამასობაში ჩემი კატა გამოიყვანეს საოპერაციოდან და წამოვედი.
რატომ მოვყევი ახლა ეს ამბავი. სავარაუდოდ, ეს პოსტი ისე არ გავრცელდება, როგორც სხვები, სადაც იმით იწონებენ თავს, რომ რუსებს ეუბნებიან:
“ქართულად ილაპარაკე, როცა საქართველოში ხარ,” “ოკუპანტის ენაზე მე არ ვსაუბრობ”, “თქვენი ადგილი ჩვენ ქვეყანაში არ არის” და მსგავსი უაზრობები, რამდენიც გინდათ, იმდენი გვაქვს (თან ხმის ტემბრში და მანერაში დიდი აგრესიით).
ეს იყო ისტორია ორი ადამიანის შესახებ, რომელიც ადამიანურად მოიქცა, ერთი მხრივ, იმ გოგონასი, რომელიც უცხო ქვეყანაში დადიოდა და ქუჩაში ნაპოვნი ლეკვის გამო დახმარებას ითხოვდა, და მეორე მხრივ, ვეტექიმის, რომელსაც ნებისმიერი თანხის დასახელება შეეძლო, მაგრამ არ გააკეთა, სიტუაციიდან გამომდინარე.
მეგობრებო, ამ იდეების ბაგაბუგში ყველაზე მნიშვნელოვანი არ დავკარგოთ, რასაც ადამიანობა ჰქვია.რა ვუთხარი იმ მონაპოვარს, რომელიც ადამინობაზე უარს ათქმევინებს ადამიანს.
განთქმული მწერლების თუ ფილოსოფოსის ფრაზებით საუბარს თავი დაანებეთ,საკუთარი აზრები წერეთ, ეგ უფრო დაგეხმარებათ. ნუ იქნებით პროპაგანდის მსხვერპლნი, ნუ ჩაერთვებით სხვის თამაშში, რომელიც მწუხარების მეტს არაფერს მოგიტანთ. სიმშვიდე და სიხარული ჩვენშია და არა სხვა რამეში რომელსაც გარეთ ვეძებთ. პირველ რიგში ეს უნდა გავიგოთ.
P.S. ეს არ ნიშნავს რა თქმა უნდა რომ ყველა რუს ან უცხოელს პირზე კოცნით უნდა შეხვდეთ ან რამე მაგდაგვარ იდეას, უბრალოდ იყავით ადეკვატურები თქვენი ადამიანობიდან გამომდინარე, და არა თქვენი იდეებიდან (რომელიც კაცმა არ იცის საიდან ჩაგვიდეს).
ეს პირველ რიგში თქვენ მოგიტანთ სიმშვიდეს.
ვეტერინარული კლინიკა ნიუ ვეტი New Vet Clinic მადლობა ??”-წერს ვახო გახოკიძე.
