საგანგაშო კოვიდსტატისტიკა დღის მთავარი თემა გახდა.
ადამიანები და მეტ წილად პოლიტიკოსები ოპოზიციური პარტიებიდან, სიტუაციის გამწვავებაში ბრალს ხელისუფლებას სდებენ.
მათი განცხადებით, ხელისუფლება ვერ მართავს კოვიდპანდემიას.
ექსპერტი ზაალ ანჯაფარიძე სოციალურ ქსელში წერს:
,,ვბრაზდებით იმაზე რომ კორონავირუსისგან ამდენი ინფიცირდება და კვდება, ვბრაზდებით რომ ხელისუფლება თურმე ვერ მართავს ეპიდსიტუაციას და ა.შ.
არადა, როგორ გინდა მართო და როგორ გინდა შეამცირო, როდესაც ქუჩაში მოსიარულეების უმეტესობას პირბადე არ უკეთია, დახურულ სივრცეებში პირბადე უკეთიათ სანახევროდ, ძალიან დიდი რაოდენობა ხალხისა პრინციპულად არ იცრება, მართავენ ხალხმრავალ ქორწილებს, ქელეხებს და ა.შ.
ერთხელ ვთქვი აქ რომ გარკვეული კატეგორიის ადამიანებისთვის, ვისაც მუდმივი შეხება აქვს ბევრ ხალხთან, აცრა სავალდებული გახდესო და ლამის ჩამქოლეს.
თუ რადიკალურად არ შეიცვალა მიდგომები, ვერც ეპიდსიტუაცია გაუმჯობესდება რადიკალურად. არაა საჭირო იყო ეპიდემიოლოგი რომ ამას მიხვდე”-წერს ექსპერტი ზაალ ანჯაფარიძე.
