,,Mono Hall Batumi წელს საქმიანობას წყვეტს!
ბოლო პერიოდში ქვეყანაში განვითარებული მოვლენებიდან და მიღებული რეგულაციებიდან გამომდინარე მივიღეთ უმძიმესი გადაწყვეტილება და ვაცხადებთ, რომ წელს ბათუმში ვეღარ მოგემსახურებით.
ვინც ადევნებდა თვალყურს ჩვენს გზას, სანამ საბოლოოდ დავფუძნდებოდით ახალ ადგილას, ნახავდით, რომ ურთულესი გზა გამოვიარეთ. შემართულები ვიყავით, რომ ამდენი პრობლემის გადალახვის შემდეგ საოცარი სეზონი ჩაგვეტარებინა და თქვენთვის განსაკუთრებული საღამოები გვეჩუქებინა, მაგრამ ვიაზრებთ პანდემიიდან გამოწვეულ რთულ სიტუაციას და ვიღებთ ჩვენ წილ პასუხისმგებლობას.
დიდი ხანი ვცდილობდით, რომ პანდემიის დაწყების პერიოდიდან მოყენებული ზარალი გადაგვეწონა და თბილისში დაკარგული სივრცის მიუხედავად, ბათუმში გადმოვბარგებულიყავით და შეგვექმნა უკეთესი ადგილი, სადაც ყოველ დღე შეძლებდით სტუმრობას და სხვა და სხვა ქართველი და უცხოელი არტისტის პერფორმანსების მოსმენას.
გვინდა მადლობა გადავუხადოთ ყველა არტისტს, ვინც ჩვენს სივრცეში ჩაატარა კონცერტი და უნდა ჩაეტარებინა. ყველა არტისტს ვისი ლაივ-შესრულებაც ვერ ვიხილეთ ჩვენგან დამოუკიდებელი მიზეზების გამო. მადლობა ჩვენი გუნდის თითოეულ წევრს, განსაკუთრებით იმისთვის, რომ ოთხ დღეში შექმნეს ის სივრცე სადაც პირველი კონცერტი ჩავატარეთ და მას შემდეგ ანვითარებდნენ აქაურობას.
განსაკუთრებული მადლობა ყველა ჩვენს სტუმარს, ვინც გაიზიარეთ ჩვენთან ერთად ყველა ბედნიერი წუთი რაც ახალ სივრცეში შეიქმნა და ნდობას გვიცხადებდით ამ პერიოდის განმავლობაში. ჩვენ ურთულესი გზა გამოვიარეთ და ზუსტად ვიცით რომ ეს მხოლოდ მცირე ხნიანი დამშვიდობებაა.
გაუქმებულ ღონისძიებაზე შეძენიკ ბილეთებს რაც შეეხება: TKT.GE ბილეთის თანხას ხვალ, დღის ბოლომდე ავტომატურად დაგიბრუნდებთ TKT ბალანსზე. რეგისტრაციის გარეშე შეძენილი ბილეთის თანხას კი ავტომატურად, იმავე საბანკო ბარათზე, რომლიდანაც გადახდა გქონდათ განხორციელებული. ნებისმიერი კითხვის შემთხვევაში შეგიხლიათ დაუკავშირდეთ TKT.GE-ს.
შევხვდებით მომავალ წელს, უფრო მრავალფეროვანი არტისტთა ჩამონათვლითა და საოცარი ღამეებით.
მადლობა ❤”-წერია გავრცელებულ ინფორმაციაში.
