“მერძევეობის დარგში ცუდი ამბებია და თუ სიღრმისეულად არ მიეხედა, პროცესები შეუქცევად ხასიათს იღებს! მაღალპროდუქტიული ჯიშის მერძეული ფერმები ერთმანეთის მიყოლებით იკეტებიან ან ანახევრებენ წარმოებას. „შირაქი“, რომელიც ქვეყანას ყოველდღიურად 4-4.5 ტონა რძეს აწვდიდა და დარგის ერთერთი ძირითადი მოთამაშე იყო, ბაზრიდან გადის. 400 სულიანი ჰოლშტეინის ჯიშის მერძეული ფერმიდან ნიკოლოზ ბენიაიძე მხოლოდ 20-30 სულს იტოვებს, დანარჩენს ყიდის. ფერმერი ბოლო წლების განმავლობაში დარგში არსებულ კრიტიკულ საკითხებსა და მათი გადაჭრის აუცილებლობაზე, მერძევეობის გასაჭირებზე მუდმივად საუბრობდა, თუმცა, პრობლემები მაინც ვერ მოგვარდა და 8 მლნ ინვესტიციის სამწუხარო დასასრულიც ასეთია. საინტერესოა, რომ ამ 8 მლნ-დან 3 მლნ იაფი სესხის ფარგლებში გაღებული ინვესტიციაცაა. სახელმწიფო დანახარჯების ეფექტიანობა კიდევ ცალკე თემა და კვლევის საგანია. ბენიაიძის გარდა, სულადობის განახევრება მოუწია ფერმა „შტორსაც“ (მამუკა კობახიძესაც), ბაზარს აწვდიდა 3 ტონამდე. ერთი კვირის წინ დაიხურა „მწვანე რანჩოც“ (დღიური მიწოდება 1,5- 2 ტონამდე ქონდა).გამძლეობა და წარმატება ყველა ფერმერს, რომელიც რძის სექტორში რჩება. სახელმწიფოს კი კიდევ ერთხელ მოვუწოდებთ, დროულად ჩაუღრმავდეს დარგის ყველა პრობლემას და მოქმედ ფერმებთან, კერძო სექტორთან ერთად იფიქროს გადაჭრის იმ გზებზე, რომლებიც მას ხელეწიფება და რომლებიც დარგის გადარჩენისთვის სასიცოცხლოა! ნიკოლოზ ბენიაიძე მერძევეობა საქართველოში / Georgian Dairy გარემოს დაცვისა და სოფლის მეურნეობის სამინისტრო”– წერს სოციალურ ქსელში რუსუდან გიგაშვილი
დღეს თავისუფალი პრესის დღეა
3 მაისს თავისუფალი პრესის მსოფლიო დღე აღინიშნება. ეს დღე გაეროს გენერალური ასამბლეის 1993 წლის 21 დეკემბრის გადაწყვეტილებით დაწესდა. ამას წინ უძღოდა 1991 წლის 3 მაისს აფრიკელი ჟურნალისტების შეკრება ნამიბიის დედაქალაქ...
