“გუშინ 2 ივნისს მაკა სულაძის გარდაცვლილი დედის იუბილე იყო,ქალბატონი ნინოს,რომელმაც მთელი მისი ცხოვრება ჰესის წინააღმდეგ ბრძოლაში გალია,დიდი თხოვნისა და მოლაპარაკებების შედეგად მოვახერხეთ მექვენაში ჩასვლა ორმა ადამიანმა,ნამოხვანში გზად ლალი დაგვხვდა რომელმაც თავის ეზოში ფერებით და ცრემლებით დაუკრიფა მაკას ლამაზი თაიგული დედის საფლავის შესამკობად,უზომოდ ემოციური და ცრემლიანი დღე იყო, ჯერ ვაჟა ბაბუ შემოგვეგება ცრემლებით,მაკას დანახვაზე დარდიც და სიხარულიც ერთად მოერია მოხუც ბაბუს, ქალბატონმა მაკამ დაუარა თავის კარ-მიდამოს, თითოეულ ვაზს თუ ნარგავს,ბაბუმ როგორც ყოველთვის თავისებურად თბილად დალოცვით გამოგვაცილა პირჯვარი გადაგვსახა და ჩვენი თავი უფალს ჩააბარა.საფლავზე გასვლა უფრო რთული და მტკივნეული იყო შეღამებულზე დარდს ბუნებამაც დაუმატა თავისი: წვიმა და ჭექა-ქუხილი დაუყოლა ცრემლიან დღის ბოლოს.მაკას კერა არის და იქნება ის ნათელი წერტილი ხეობაში სადაც ვაზის ცრემლი და შეღებული კარიდან გამომავალი შუქი არ მოგვცემს უფლებას დავნებდეთ,დედის სულსაც დაპირდა მაკა დეიდამ რომ არ დათმობს და მისთვის მიცემულ პირობას პირნათლად შეასრულებს.
თეკლა გოგო” – წერს თეკლა გოგავა სოციალურ ქსელში
