“ახლახან ვნახე უკრაინის და საქართველოს პრემიერების ერთობლივი ბრიფინგის ვიდეო მასალა.ვერავინ დამწამებს ურაინის და უკრაინელი ხალხის მიმართ სხვა აზრს, გარდა უდიდესი სიყვარულის, პატივისცემის და გულწრფელი და გულღია მასპინძლობისა.ბატონო უკრაინის პრემიერმინისტრო, თქვენ ძალიან მატკინეთ გული და ამას ჩემი უკრაინელი მეგობრების მეშვეობით მთელს უკრაინას ვამცნობ. ლესია უკრაინკას მუზეუმისადმი ყურადღების გამო რომ იხადეთ მადლობები, როგორ არ შეგრცხვათ დავით გურამიშვილი რომ არც გაგხსენებიათ. ამ დროს, საქართველოში ბევრმა როდი იცის, რომ ლესია უკრაინკა (ფანი ვარ მისი) ორ თვეში გადაასვენეს უკრაინაში და დღეს დაბა სურამში მისი საფლავი კი არა ნასაფლავარია. ამ დროს, ზუბოვკაში ქართველი კლასიკოსი პოეტი დავით გურამიშვილი განისვენებს, რომელის არ გაგხსენებიათ. მახსოვს, ერთხელ (თუ არ ვცდები) საქართველოს მწერალთა მესამე ყრილობაზე დავით გურამიშვილის და უცხოეთში განსვენებული კიდევ ერთი მწერლის საქართველოში გადმოსვენების საკითხი დადგა. ლამის იყო და, “ხმალი არ იშიშვლეს” ირაკლი აბაშიძემ, ნოდარ დუმბაძემ,კონსტანტინე გამსახურდიამ და მუხრან მაჭავარინმა – “რაო, უკრაინაში ჩვენი მეგობრობის ფესვების ამოძირკვა გვინდაო ?!”…. უკრაინელ მწერალთა დელეგაციას მიკოლა ბაჟანი თავკაცობდა, აღფრთოვანებული დარჩა პასუხით და, მახსოვს, – მას შემდეგ ამ საკითხს არც აღარავინ დაბრუნებია. ასე, რომ ბატონო პრემიერო, საქართველოში რომ მობრძანდებით (კეთილი იყოს), ცოტა რამ წაიკითხეთ და ის მაინც იცოდეთ, უკრაინელმა თანადროულმა საზოგადოებამ ლესია უკრაინკა არ გვანდო, ქართველმა ხალხმა კი უკრაინულ-ქართულ ისტორიულ ძმობას არც კი აკადრა თავისი კლასიკოსის გადმოსვენება, რადგან თვლიდა და თვლის, რომ დავით გურამიშვილის სახით უკრაინაში ჩვენი ძმობის ძლიერი ფესვები და სიმბოლოა დავანებული …” – წერს სოციალუ ქსელში ივანე აფრიდონიძე
ცნობისთვის უკრაინის პრემიერ-მინისტრი დენის შმიგალი საქართველოშია წუხელ ღამით ჩამოვიდა. ის უკვე სეხვდა ირაკლი ღარიბაშვილის. საქართველოში ოფიციალური ვიზიტის ფარგლებში, უკრაინის პრემიერ-მინისტრი შეხვდება საქართველოს პარლამენტის თავმჯდომარეს, კახა კუჭავას, ასევე სრულიად საქართველოს კათოლიკოს-პატრიარქს, უწმინდესსა და უნეტარესს ილია მეორეს.
დენის შმიგალი, დელეგაციის წევრებთან ერთად, პატივს მიაგებს საქართველოს ერთიანობისათვის დაღუპულ გმირთა ხსოვნას და გმირთა მოედანზე მემორიალს გვირგვინით შეამკობს.
