“თითქოს რაღაც წინათგრძნბა ქონდა რომ ადრე დაიღუპებოდა და ოცნებობდა შვილი დარჩენოდა” – ამის შესახებ “მეგა ტვ”-ს ძმის მიერ მოკლული რობერ წურწუმიას მეგობარმა ნათია ბეინაშვილმა განუცხადა.
“ჩვენ ერთ ქალაქში ვცხოვრობდით და მასთან ხშირად ვიკრიბებოდით. მას უნდოდა ქონოდა ოჯახი და ყოლოდა შვილი. თითქოს რაღაც წინათგრძნბა ქონდა რომ ადრე დაიღუპებოდა და ოცნებობდა შვილი დარჩენოდა. ბოლო წელი სხვა ქალაქში გადავიდა დოქტოქორანტურას აკეთებდა. ის იყო ისეთი მეგობარი, რომლის იმედი ყოველთვის მქონდა, ვიცოდი რამე რომ დამჭირვებოდა ის ყოველთვის ჩემს გვერდით იქნებოდა. მას უყვარდა სამშობლო, ოცნებობდა საქართველოს გაერთიანებაზე. მან დააარსა ორგანიზაცია “გალი მშვიდობის ძალა”. ამ ორგანისაციის წევრი მეც ვარ.” – განაცხადა ნათია ბეინაშვილმა
ის „თბილისი პრაიდის“ აქტივისტის გიორგი თაბაგარის მიერ სოციალურ ქსელში გამოქვეყნებული პოსტს, რომლის თანახმადაც ზუგდიდში ძმის მიერ საკუთარი ძმის მკვლელობის მიზეზი მისი სექსუალური ორიენტაცია გახდა, გამოეხმაურა და თქვა რომ თაბაგი ცრუობს და ეს ჭორი მან თავისი მიზნებისთვის გამოიყენა.
შეგახსენებთ, 28 სექტემბერს, გიორგი წურწუმიამ ძმას რობერტ წურწუმიას, ცივი იარაღით მრავლობითი ჭრილობები მიაყენა გულმკერდის არეში და დაჭრილი საავადმყოფოში მიყვანისთანავე გარდაიცვალა.
სამართალდამცველებმა ბრალდებული შემთხვევიდან რამდენიმე საათში ზუგდიდის მუნიციპალიტეტის ერთ-ერთ სოფელში დააკავეს.
ზუგდიდის რაიონულმა სასამართლომ ძმის მკვლელობაში ბრალდებულს აღკვეთი ღონისძიების სახით პატიმრობა შეუფარდა. გიორგი წურწუმიამ 1 ოქრომბერს N2 პენიტენციურ დაწესებულებაში თავი ჩამოიხრჩო.
