“საერთაშორისო გამჭვირვალობა- საქართველოს” კვლევაში, რომელიც მუნიციპალიტეტების მაღალი თანამდებობის პირთა ბიზნესინტერესებს, არასრულად შევსებული დეკლარაციებსა და შეუთავსებელ საქმიანობას უკავშირდება, იმერეთის მუნიციპალიტეტის 9 მაღალჩინობაში მოხდა, მათ შორის არიან ქუთაისის ვიცე მერი და საკრებულოს თავმჯდომარე.
კვლევაში ვკითხულობთ:
ქუთაისის მერის მოადგილე იუზა უგულავას 2019 წლის ივნისში დეკლარირებული აქვს, რომ შპს „იუკოს” 50% წილის მესაკუთრეა, თუმცა კანონის მოთხოვნის მიუხედავად, მას აღნიშნული წილი მართვის უფლებით სხვა პირისათვის არ აქვს გადაცემული.
ქუთაისის საკრებულოს თავმჯდომარეს ნიკოლოზ ლატარიას 2018 წლის სექტემბერში დეკლარირებული აქვს, რომ შპს „ნიკოილი თერჯოლას” 50%, შპს „გიოს” 40%, შპს „ნიკოილი 9”-ის 100% და შპს „ფრეშ ფუდის” 55% მესაკუთრეა, თუმცა კანონის მოთხოვნის მიუხედავად, მას აღნიშნულ წილები მართვის უფლებით სხვა პირისათვის არ აქვს გადაცემული.
თერჯოლის საკრებულოს თავმჯდომარის მოადგილეს ნოდარ ფანჩულიძეს 2019 წლის იანვარში შევსებულ დეკლარაციაში არ აქვს აღნიშნული, რომ იგი არის შპს „იმერეთი 2017”-ის 100%-იანი წილის მესაკუთრე. ნოდარ ფანჩულიძემ 2012 წელს 6 000 ლარი შესწირა „ერთიან ნაციონალურ მოძრაობას”.
წყალტუბოს მერის პირველი მოადგილე ზურაბ მაისურაძეს 2019 წლის იანვარში ეკლარირებული აქვს, რომ შპს „დიაპლასტის” 50% მესაკუთრეა, თუმცა კანონის მოთხოვნის მიუხედავად, მას აღნიშნულ წილი მართვის უფლებით სხვა პირისათვის არ აქვს გადაცემული.
ხონის მერს ლადო ჯურხაძეს 2019 წლის იანვარში დეკლარირებული აქვს, რომ შპს „გლობალ ენერჯი სოლუშენსის”, შპს „ბატონო ტრეველიძის” და შპს „მახაუტოს” დირექტორი და 100% მფლობელი, ასევე შპს „ენერგეტიკის ავტომატიზაციის ქართული კომპანიის” 5% მფლობელია. პრობლემატურია ის გარემოებები, რომ ლადო ჯურხაძე, კანონის მოთხოვნათა მიუხედავად, 3 შპს-ში დღემდე ინარჩუნებს დირექტორის თანამდებობას და საკუთარ წილები მართვის უფლებით სხვა პირისთვის არ აქვს გადაცემული.
ხარაგაულის მუნიციპალიტეტის საკრებულოს თავმჯდომარის მოადგილეს რუსუდან გიორგაძეს არ აქვს დეკლარირებული, რომ მისი მეუღლე, ბესარიონ ჭიჭინაძე შპს „დ გრუპის’’ დირექტორი და 100%- იანი წილის მფლობელია.
ჭიათურის მერს გივი მოდებაძეს 2019 წლის იანვარში შევსებულ დეკლარაციაში არ აქვს აღნიშნული, რომ მისი მეუღლე, ნინო ბუთხუზი შპს „ოკეანე +”-ის 25% მესაკუთრეა.
ბაღდათის მერის მოადგილეს ფირუზ ბურჯანაძეს 2019 წლის აპრილში დეკლარირებული აქვს, რომ იგი არის ,,ჯორჯიან სენდ კომპანის’’ 50% მფლობელი, თუმცა კანონის მოთხოვნის მიუხედავად, მას აღნიშნულ წილი მართვის უფლებით სხვა პირისათვის არ აქვს გადაცემული.
ფირუზ ბურჯანაძეს დეკლარაციაში არ აქვს მითითებული, რომ ფლობს შპს „ჯორჯია სეთ კომპანი 2”-ის 15%-ს, მას არც ეს წილი აქვს სხვა პირზე მინდობით გადაცემული.
ზესტაფონის მერის მოადგილეს დავით მაღრაძეს 2019 წლის აპრილში შევსებულ დეკლარაციაში არ აქვს აღნიშნული, რომ შპს „ჯი ემ დის” 50% მესაკუთრე და შპს „დი პი იმპექსის” 50% წილის მფლობელი და დირექტორია.
“საერთაშორისო გამჭვირვალობა საქართველომ” კვლევა 2019 წლის 2 ოქტომბერს გამოაქვეყნა. როგორც კვლევაშია აღნიშნული იმერეთის მხარის მუნიციპალიტეტების 60-ზე მეტი დეკლარაციიდან დარღვევები 10-ში გამოვლინდა, მათ შორის: დეკლარაციის
არასრულად შევსების 5 ფაქტი, საკუთარი წილის სხვა პირისთვის გადაუცემლობის 6 ფაქტი და თანამდებობასთან შეუთავსებელი საქმიანობის 2 შემთხვევა.
„საჯარო დაწესებულებაში ინტერესთა შეუთავსებლობისა და კორუფციის შესახებ კანონის” თანახმად, პირი თანამდებობაზე დანიშვნიდან ორი თვის ვადაში ვალდებულია სამეწარმეო ორგანიზაციებში არსებული საკუთარი წილები მართვის უფლებით გადასცეს სხვა პირს] და თანამდებობაზე დანიშვნიდან 10 დღის ვადაში დატოვოს სამეწარმეო ორგანიზაციის დირექტორის, ხელმძღვანელის პოზიცია.
