გიორგი შაქარაშვილის საქმის ფიგურანტის ვახტანგ ჩიქოვანის დედა ნინო ჩიქოვანი მედიასთან სასამართლო გადაწყვეტილების შემდეგ პირველ კომენტარს აკეთებს.
„არ მაქვს შეფასების თავი. ვაპირებთ ამ გადაწყვეტილების გასაჩივრებას, არანაირი მტკიცებულება არ აქვთ. 16-წლიანი სასჯელის შემდეგ ნამეტანი მშვიდად შეგიძლია მიიღო გადაწყვეტილება. დავმშვიდდებით და ყველაფერს კარგად მივიღებთ“, – განაცხადა ვახო ჩიქოვანის დედამ.
შეგახსენებთ, სასამართლო დარბაზში ჩიქოვანმა დედას მიმართა და უთხრა, რომ არაფერზე ინერვიულოს. მოსამართლის მიმართ არაკორექტული რეპლიკების გამო კი ის დარბაზიდან გაიყვანეს.
ცნობისთვის, გიორგი შაქარაშვილის განზრახ ჯგუფურად მკვლელობის საქმეზე მოსამართლე 3 დაკავებულის მიმართ განაჩენი მოსამართლე ბიძინა სტურუამ რამდენიმე წუთს წინ გამოაცხადა.
არჩილ გაგნიძეს, ნიკოლოზ რევაზიშვილს, ვახტანგ ჩიქოვანს 16-16 წლით თავისუფლების აღკვეთა მიესაჯა.
ორი ბრალდებული არასრულწლოვნის მიმართ კი განაჩენი 16 მარტს გამოცხადდება.
