,,თბილისის ოლიმპიურ სასახლეში, საკანდელიძე – ქორქიას მემორიალის ნახევარფინალურ მატჩში ჩვენმა გუნდმა 89 :86 სძლია თსუ-ს და ზეგ, უკვე ქუთაისის სპორტის სასახლეში, ფინალში “ვერას” დაუპირისპირდება. თსუ-სთან შეხვედრის პირველი ათწუთეული ქუთაისელებმა 22:17 მოიგეს. ასპროცენტიანი სიზუსტით აკაკი დვალიშვილი გამოირჩა, მისი ხუთივე ნასროლი კალათში ჩაეშვა. მე-2 მეოთხედის დასაწყისში “ვერა” აქტიურობდა და ანგარიშიც გაყაიმდა (29:29), თუმცა შემდეგ უპირატესობა ქუთაისელთა მხარეს გადავიდა და დიდი შესვენებისთვის 9 ქულით დავწინაურდით – 46:37 ცხადია, თსუ ცდილობდა მდგომარეობის გამოსწორებას და მე-3 მეოთხედში ჩამორჩენა 5 ქულადე დაიყვანა – 69:64 და…გადამწყვეტი ათწუთეულის საწყის 2 წუთში ჯერ გათანაბრება და წინ გასვლაც მოახერხა. ერთი სიტყვით, მეტოქეს 3 ქულით ჩამოვრჩით (71:74). მდგომარეობა უკიდურესამდე დაიძაბა. ასეთ ვითარებაში ქუთაისელებმა ხასიათის სიმტკიცე გამოაჩინეს და დარჩენილ დროში ყველაფერი იღონეს საბოლოო წარმატების მისაღწევად. დრამატულ ენდშპილში გამარჯვება ჩვენ დაგვრჩა. როგორც ვთქვით, ფინალი ზეგ ქუთაისში გაიმართება. მასპინძლები ლეგენდების მემორიალის გამარჯვებულის ტიტულის მეოთხედ დასაუფლებლად იბრძოლებენ”
