“არ არსებობდა მოაჯირები, ასევე ღია იყო ლიფტის შახტები, კრიტიკული შეუსაბამობების გამო მოხდა სამუშაოების შეჩერება” – ამის შესახებ “მეგა ტვ”-ს შრომის პირობების ინსპექტირების დეპარტამენტის წარმომადგენელმა მაია მიქაიამ სოციალურ ქსელში გავრცელებულ ვიდეოსთან დაკავშირებით განაცხადა, რომელშიც ნათლად ჩანს როგორ ცვივა სამშენებლო მასალები ქუჩაში.
“მას შემდეგ რაც აღნიშნული ფაქტის შესახებ ჩვენთვის ცნობილი გახდა შრომის ინსპექტირების დეპარტამენტმა მოახდინა მყისიერი რეაგირება და ინსპექტორის მიერ მოხდა ობიექტის გადამოწმება. გადამოწმება მოხდა საქართველო ორგანული კანონის შრომის უსაფრთხოების საფუძველზე და ადგილზე კრიტიკური შეუსაბამომები დადგინდა, რის შედეგადაც იქნა გადაწყვეტილება მიღებული სამუშაო პროცესის შეჩერების შესახებ. კრიტიკულია შეუსაბამობა რომელიც მყისიერ საფრთხეს უქმნის ადამიანის სიცოცხლესა და ჯანმრთელობას.
აღნიშნულ მშენებლობაზე კრიტიკულ შეუსაბამობად დადგინდა დარღვევები: მშენებლობა არააკრედიტებული შრომის მენეჯერის გარეშე მიმდინარეობდა. საფრთხეების იდენტიფიცირების რისკების შესაბამისი დოკუმენტი არ იქნა წარმოდგენილი და შესაბამისად არ იყო განსაზღვრული პრევენციული ღონისძიებები, ასევე ვერ იქნა სწავლებების დოკუმენტაცია წარმოდგენილი. რიგ ადგილენბზე არ არსებობდა მოაჯირები, ასევე ღია იყო ლიფტის შახტები, ყოველი აღნიშნული ჩაითვალა კრიტიკულ შეუსაბამობად.” – აცხადებს მაია მიქაია “მეგა ტვ”-სთან საუბრისას.
როგორც შრომის პირობების ინპექტირების დეპარტამენტის წარმომადგენელი ამბობს კრიტიკული შეუსაბამობის დროს სამუშაო პროცესის შეჩერებას კონკრეტული ვადა არ არ აქვს და ის მანამდე გრძელდება, სანამ კომპანია თავად არ აღმოფხვრის მათთვის გადაცემულ ოქმში აღნიშნულ დარღვევეს. მაია მიქაიამ მშენებლობაზე არსებულ არაკრიტიკული დარღვევების არსებობაზეც ისაუბრა.
“რაც შეეხება დარღვევებს, რომლებიც არ იყო კრიტიკული და ჩაითვალა როგორც არსებით და არა არსებით დარღვევებად კომპანიას მიეცემა გაფრთიხლება, რომელსაც განესაზღვრება გონივრული ვადა და მათ შესაძლებლობა ექნება აღმოფხვრან ეს დარღვევები.” – ამბობს მაია მიქაია.
მისივე თქმით “კანონი შრომის უსაფრთხოების შესახებ” რომელიც ძალაში პირველი სექტემბრიდან შევიდა ეკონომიკური საქმიანობის ყველა სფეროს ეხება და შრომის ინსპექციის მხრიდან მთელი საქართველოს მასშტაბით, მათ შორის ქუთაისში სხვადასხვა ობიექტების ინსპექტირება ხორციელდება.
ქუთაისში მშენებარე კორპუსიდან სამშენებლო მასალა სკოლისა და საბავშვო ბაღის წინ ცვენის ამსახველი ვიდეო სოციალურ ქსელში დღეს მომხმარებელი მაკო ტყაბლაძემ გავრცელებს.
მშენებარე კორპუსი ქუთაისში, ზვიად გამსახურდიას პირველ შესახვევში სკოლის “მერმისი” მიმდებარე ტერიტორიაზე მდებარეობს.
