კახაბერ ჩახუნაშვილი – “დავით ჭიჭინაძე ტრიბუნა -ქრისტიან დემოკრატიული” მოძრაობის მერობის კანდიდატი ქუთაისში
დაბადებული 1963 წლის 15 ოქტომბერს. 1980 წელს დაამთავრა ქუთაისის რკინიგზის 23-ე საშუალო სკოლა. 1986 წელს დაამთავრა ქუთაისის პოლიტექნიკური ინსტიტუტი, სპეციალობით საგზაო-სამშენებლო მანქანები და მოწყობილობები. 1991 წელს დაამთავრა თბილისის ივ.ჯავახიშვილის სახ.უნივერსიტეტი, სპეციალობით- წარმოების მართვის ორგანიზაცია. მათ შორის 1987 წლიდან-დღემდე მუშაობდა სხვადასხვა თანამდებობებზე. 1987-91 წლებში მუშაობდა ქალაქ ქუთაისის ისტორიული ნაწილის რესტავრაცია-რეკონსტრუქციის საწარმოო კომბინატში, სადაც გაიარა გზა რიგითი კონსტრუქტორიდან დირექტორის მოადგილემდე პროექტირების დარგში. 1991 წელს არჩეული იქნა ქალაქის საკრებულოს წევრად. 1992-98 წლებში მუშაობდა ქალაქ ქუთაისის მერიისა და იმერეთის სამხარეო ადმინისტრაციის სტრუქტურებში. 1998-2002 წელს არჩეული იქნა საკრებულოს წევრად, ეკავა საკრებულოს მდივნის (თავმჯდომარის მოადგილის) თანამდებობა. 2002 წლიდან-დღემდე კერძო სამშენებლო ორგანიზაციების თანამშრომელია.
ვინაიდან მერის არჩევა ხდება ერთი წლის ვადით, ამ მცირე დროში, მაქსიმალურად შევეცდები გავაკეთო ყველაფერი ჩვენი ქალაქის, ქუთაისის, კეთილდღეობისათვის. რათა მომავალი 2021 წლის ადგილობრივი თვითმმართველობის არჩევნებისას არ შემრცხვეს ჩემი თანაქალაქელების წინაშე წარსგომის, იმისათვის რომ კვლავ დავიმსახურო მათი ნდობა.
ამისათვის დავიცავ კანონს ისევე, როგორც ამას რიგითი მოქალაგისაგან ითხოვენ, არაფრით მათგან განსხვავებული არ ვიქნები.
შევაამცირებ ქალაქის აღმასრულებელი ხელისუფლების შესანახად გაწეულ ხარჯებს, ხოლო გამონთავისუფლებულ თანხებს ქალაქის განვითარებისაკენ მივმართავ. მოვახდენ საბიუჯეტო სახსრების სამართლიან და გამჭვირვალე განაწილებას. რადგან ქალაქის უმთავრეს პრობლემად ხელისუფლებაში პატიოსანი და პროფესიონალი ადამიანების (კადრების) დეფიციტი მიმაჩნია, ყველაფერს გავაკეთებ მათ მოსაზიდად და ქალაქის სამსახურში ჩასაყენებლად. ჩემი, როგორც მერის სამუშაო კარი, ღია იქნება უკლებლივ ყველა ქუთაისელისათვის.
