იაპონიის სანაპიროდან ტაიფუნის დროს სატვირთო გემი გაუჩინარდა, რომელზეც ეკიპაჟის 43 წევრი იმყოფება, – ამის შესახებ ინფორმაციას BBC-ი ავრცელებს.
გამოცემის ცნობით, მაშველებმა ამ დრომდე მხოლოდ ერთი მეზღვაურის გადარჩენა შეძლეს. ეკიპაჟის დანარჩენი წევრების ძებნა კი თვითმფრინავებითა და საპატრულო გემებით გრძელდება, თუმცა სამძებრო-სამაშველო სამუშაოებს ტაიფუნისგან გამოწვეული ძლიერი ქარი, წვიმა და ძლიერი ტალღები აფერხებს.
პანამის დროშის ქვეშ მცურავმა სატვირთო გემმა Gulf Livestock 1-მა ახალი ზელანდია 14 აგვისტოს დატოვა და ჩინეთისკენ გაემგზავრა. ოთხშაბათს ღამით კი გემმა იაპონიის ოშიმას კუნძულის დასავლეთიდან, აღმოსავლეთ ჩინეთის ზღვიდან, გასაჭირის მაუწყებელი სიგნალი გაგზავნა.
ცნობისათვის, ტაიფუნმა „მაისაკმა” სამხრეთ ჩინეთის ზღვას გადაუარა და სამხრეთ კორეის საპორტო ქალაქ პუსანს დაატყდა თავს. დაზარალებულ რეგიონში დაღუპულია სულ მცირე 1 ადამიანი, ევაკუირებულია – 2 200, ელექტოენერგიის გარეშე კი 120 000 ოჯახია დარჩენილი
