ქუთაისში, “ჭომის” დასახლებაში სპორტული კომპლექსის რეაბილიტაცია დასრულდა.
დღესვე გაიმართა სიმბოლური მატჩი, რომელშიც მოზარდ ფეხბურთელთა გუნდმა მიიღო მონაწილეობა. სპორტული კომპლექსის რეაბილიტაციის შედეგად მოწესრიგდა გასახდელები, სველი წერტილები, ტრიბუნები და მოედნის სანიაღვრე არხი. ასევე შეიცვალა განათების სისტემა. მოედნის მოცულობა საშუალებას იძლევა საწვრთნელი პროცესის დროს მოემსახუროს 30 პერსონას, ღონისძიებების დროს კი 200 ადამიანს. სპორტული მოედნის სარეაბილიტაციო სამუშაოებს შპს “თეგიკა უნივერსალი“ ასრულებდა და მისმა ღირებულებამ 111800 ლარი შეადგინა.
სტადიონის გახსნის ცერემონიალს იმერეთში სახელმწიფო რწმუნებულის პირველი მოადგილე იოსებ ხახალეიშვილი, ქუთაისის მერის მოვალეობის შემსრულებელი დავით ერემეიშვილი და საკრებულოს თავმჯდომარის მოვალეობის შემსრულებელი ირაკლი შენგელია ვეტერან ფეხბურთელებთან ერთად დაესწრნენ. ღონისძიების სტუმრები იყვნენ ალექსანდრე ჩივაძე, თენგიზ სულაქველიძე, დათო მუჯირი, რევაზ ჩელებაძე, შოთა ოქროპირაშვილი, გიორგი გვაძაბია, გია გიორგაძე, იური და ალეკო კვერნაძეები, ვლადიმერ შელია.
